麥當勞賣芝士撻！期間限定口味窩夫同期登場

繼粟米批回歸後，麥當勞於今個秋天帶來全新甜品「流心芝士撻」，由即日起於McCafé 全線分店發售（國際金融中心分店除外），全日供應。

芝士撻賣$18，購買飲品的話可加$13追加一件，定價跟坊間同類產品差不多。

事不宜遲，即刻試試！

撻皮翻熱後不算很鬆化，但勝在牛油味剛好，沒有搶去芝士味道，而且食落不太膩。

芝士部分可能就讓人有點失望啦……據店員所講，熱食芝士撻會食到流心芝士；不過無論小編於店內即食，抑或自己再用微波爐叮熱（約10-20秒），都達不到「流心」的效果，與參考圖片有點出入。

芝士撻只有半溶效果，希望只是個別分店情況。 

雖然無流心，撻的味道其實不錯，Cream Cheese軟滑濃郁，奶味濃，喜歡芝士的小編覺得不太膩，秋天食個暖笠笠的甜品都不錯。 

McCafé 同期亦會推出新口味咖啡和Cheesecake，包括烤栗鮮奶咖啡（凍/熱）及忌廉芝士甘筍蛋糕。

另外，繼阿華田扭紋新地後，3間麥當勞概念店由即日起將發售「脆脆阿華田新地窩夫」，期間限定，供應地點包括金鐘海富中心、太古城中心、鰂魚涌海灣街分店。

*忌廉芝士甘筍蛋糕推廣不適用於國際金融中心、合和中心McCafé分店

*烤栗鮮奶咖啡（凍/熱）推廣不適用於山頂、海富中心、香港國際機場離境大堂及抵港大堂之McCafé分店