向來緊貼日本甜品潮流的半熟工房，繼堆出半熟蛋糕和芝士撻後，於今個秋天帶來日式芝士蛋糕Double Fromage，喜歡食甜品的你又有多個選擇啦！
這款Cheesecake於日本當地人氣極高，多間甜品店都有供應；有見香港人對Cheesecake的熱情，半熟工房早於約半年前派員到日本學師，將這款大熱蛋糕帶來香港。
Double Fromage 一共有3款口味，包括原味芝士、朱古力和綠茶，原個賣$198（5吋），件裝$45。小編率先試了原味，睇睇試食報告啦！
蛋糕以木盒盛載，跟半熟工房其他產品包裝一樣簡單清新。
從盒中取出蛋糕時最好輕力一點，Double Fromage 的表面鋪滿海綿蛋糕碎，軟綿綿！
切開蛋糕，可以清楚見到上下兩層芝士和底層的海綿蛋糕。先講底層部分，餅店選用了九州的赤雞蛋，所以蛋糕呈偏橙色，蛋香味亦幾突出。
兩層芝士質感不同，上層選用了整Tiramasu經常會用到的Mascarpone芝士，口感較輕盈；而下層則用了北海道忌廉和芝士，非常軟滑，跟餅店平日出品的半熟蛋糕有點相似。
整體來說，Double Fromage 的奶香味非常濃郁，芝士味剛好，不會過分甜膩，一個人獨食大半個都無難度。
不過蛋糕偏細，如果價格稍為定低一點，相信會更吸引呢！
---------------
分店地址：
1. 尖沙咀金馬倫道6A地下
2. 銅鑼灣駱克道520號地下
3. 屯門鄉事會路83號V City商場M11號舖
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
