快啲去淘大商場 ，探下聖誕老人秘居啦！

有無人想知道聖誕老人屋企係點嘅呢？不如去淘大商場睇下啦！佢地已經變身成聖誕老人嘅秘密居所―「霓虹聖誕屋」同埋「聖誕互動飄雪館」，仲推出互動遊戲、限量版禮品換領、親子互動工作坊等一系列Joy of Lights精彩節目，比大人小朋友一齊歡度佳節！

由霓虹燈裝飾組合而成的「霓虹聖誕屋」，璀璨奪目，充滿冬日聖誕氣氛，而且可畀大家一探聖誕老人小屋及佢嘅生活，真係幾得意㗎。想體驗聖誕嘅冬日氣氛，一定要感受吓「聖誕互動飄雪館」帶嚟嘅白色飄雪聖誕，每當大家靠近，飄雪館就會感應到而吹起片片雪花。

聖誕老人個屋企係度啦，咁聖誕老人當然會係適當時間出現啦！佢會係活動期間指定時間現身淘大商場，同大家親切互動，再派聖誕小禮物，一齊感受一個既白色又霓虹七彩嘅聖誕！ 

顧客只需即場讚好淘大商場Facebook專頁或淘大商場Instagram，更可於推廣期內每逢週末參加緊張刺激嘅「電流光影急急棒」互動遊戲，挑戰眼界與定力，贏取豐富禮品及商戶優惠券。

除咗呢啲裝飾同活動，12月25日聖誕節當日下午，亞洲著名手鈴團體「十一分音符手鈴隊」（Double Mallet Ringers）聯同本港著名無伴奏合唱組合Republic-A將會親臨商場表演，為大家送上聖誕樂韻，記得去聽呀。

有得睇，其實仲有得玩：大家係商場單一消費滿200元或以上，就可以參加聖誕親子工作坊一次，以LED燈製作立體聖誕屋或可愛聖誕掛飾。真係好想同仔仔女女一齊玩吓添。

最重要嘅一樣嘢，就係有禮物收。Joy of Lights活動期間係淘大商場消費滿500元或以上，憑最多三張不同商戶發出嘅即日機印電子單據，就可以換到限量版Joy of Lights座枱月曆或者係別具型格的燈泡形玻璃樽。真係夠曬特別喎！咁千祈唔好走寶，快啲去淘大商場啦！

淘大商場Joy of Lights活動詳情：

日期：即日至2017年1月2日

地點：九龍灣牛頭角道77號淘大商場

「電流光影急急棒」互動遊戲

日期：即日至2017年1月1日（逢星期六 、日及公眾假期）

時間：中午12時至晚上8時

地點：淘大商場二期一樓大堂

聖誕親子工作坊

日期：12月17、18、24、26、27、31日

時間：下午3時至4時 （立體聖誕屋工作坊）

         下午4時至5時 （聖誕掛飾工作坊）

地點：淘大商場二期一樓大堂

聖誕老人見面派對

日期：12月17、18、24日及25日

時間：下午3時至5時

地點：淘大商場二期一樓大堂及露天廣場

聲樂音韻響聖誕

日期：12月25日（星期日）

時間：下午3時至4時

地點：淘大商場二期一樓大堂

Source: 淘大商場