零後悔 聖誕海鮮餐The Captain’s House
好快又到聖誕節，想正日同朋友食餐好，係時候揀定餐、Book定位喇！聖誕大餐咁多選擇，要食得滿足，海鮮餐相信無人會Say No。專門炮製正宗新奧爾良海鮮口味的餐廳The Captain’s House，今年繼續推出節日餐單，在招牌Seafood Bag以外，當然有今年新出的菜式選擇，保持新鮮感。
說到招牌菜海鮮熱盤，餐廳堅持新奧爾良菜式的做法，把每日新鮮購入的海鮮放在網袋烹調，再混入自家製醬汁，惹味得來又不失鮮味，開業至今仍然是海鮮迷必嗌菜式！聖誕期間，可選擇原隻波士頓龍蝦或法國睡蟹作主菜，伴有虎蝦、翡翠螺及八爪魚仔等。凍盤更有生蠔、鮑魚、小龍蝦等，可以食盡心水海鮮，包你滿足。
聖誕新滋味
其他熱盤也吸引，今年主廚特別為聖誕研發新菜式，平時食開的焗紙包爐魚，廚師特別用米紙代替，連紙都食得落肚，仲焗得香脆，能有效鎖住魚汁及保持肉質嫰滑，口感富有層次，令人驚喜。其他菜式還有火雞卷、澳洲和牛、海膽意粉等，選擇多多，必定能滿足一班朋友的各種口味。最正係聖誕特別菜式在午餐亦如常供應，自由選擇大餐時間，一於由朝食到晚！
熱船長海鮮拼盤
Combo A $769 (3款海鮮)、
Combo B $979 (5款海鮮)
名菜Seafood Bag除了可選擇龍蝦或睡蟹作主，有八款海鮮可供選擇，另有牛油、蒜蓉或龍蝦汁三款選擇。
香脆米紙焗鱸魚 $208
特別用上越南米紙事先包裹鱸魚才放進焗爐，令菜式更為香口，又不失嫰滑口感，是今年特製的新菜式。
Normal>Combo B $979 (5款海鮮)
名菜Seafood Bag除了可選擇龍蝦或睡蟹作主，有八款海鮮可供選擇，另有牛油、蒜蓉或龍蝦汁三款選擇。
澳洲和牛8安士 $298
廚師貼心地把牛肉分成兩份上碟，確保和牛煎得均勻，淋上紅酒燒汁，絕對是必點菜式。
船長凍海鮮拼盤 $545
有生蠔、鮑魚、小龍蝦等多款海鮮，可配乾蔥紅酒汁或雞尾酒汁，份量十足，單是賣相已令人食指大動。
黑松露醬意大利飯 $198
甫上碟已傳來一陣撲鼻的黑松露香，加上一塊香脆的巴馬臣芝士，香氣十足。
Hot Apple Cider $65
熱飲當中呢款Cider還奉上楓蜜糖漿，甜甜的好暖胃。
焗草苺吉士千層酥 $68
香脆的千層酥特別弄成禮物包般，包裹著士多啤梨custard，酸酸甜甜的，作為一餐之結甚是滿足。
燒野菌火雞卷 $258
把雜菌及煙肉釀在火雞肉內，給予肉質更多油分，令火雞肉唔會太嚡口，伴上紅莓汁後帶點甜味，變得Juicy開胃。
加洲海膽扁意大利粉 $258
海膽並非只得一啖咁少，廚師還把大量海膽混入忌廉汁內，確保滿口海膽味，加上大量三文魚子，鮮味無得彈。
The Captain’s House
地址：尖沙咀厚福街8號H8 18樓
電話：2366 5600
營業時間：11am-3pm、6pm-11pm
備註：晚餐每人最低消費HK$500
Source：The Captain’s House
活動資訊
-
珠海攻略
樂士文化區
中國/🌻珠海親子週末2日遊｜樂士文化區&向日葵主題公園
第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨👩👧👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處
閱讀更多
-
珠海攻略
超好玩！珠海室內運動潮玩天堂🤩
趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡ 呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡ 地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼 ｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊
閱讀更多
-
節日限定
西九咖啡節2026 COFFEE HONG KONG@WestK
復活節必去!西九限定咖啡☕️嘉年華!
只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有 國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}
閱讀更多
港生活人氣本地熱話
↓《Chill賞親子玩樂祭》活動攻略✨！↓
贏走主題樂園門票、酒店Staycation及人氣產品
【參加即有賞】 「我的Chill賞假期」填色比賽🎨！
費用全免，所有參加者皆獲頒證書！贏走獎座及HK$1,000現金禮券😍！
假日好去處