開Party之選！荃灣酒店主題房平價有驚喜
聖誕想放假抖抖又搶不到平機票？其實於香港住晚酒店玩足2日1夜都好有渡假感覺，今次要介紹位於汀九的帝景酒店，酒店設有一系列主題客房，無論情侶、一班朋友或是一家人都搵到心水房間！
打頭炮要介紹「集體回憶主題客房」，房內有舊式摺檯、摺櫈、收音機和懷舊玩具等，彷似回到80年代的公屋。主題客房牆上的大型的康樂棋盤，加上大大粒骰子，玩足康樂棋都夠全晚。
房間的梳化床可以拉出變成雙人床，4人share房價就更抵玩！
綠野森林主題房內有個小帳篷，小朋友可以瞓覺差足電第二日再玩過。
客房以不同的動植物作裝飾。
貪玩的小編私心推介激鬥跑車主題客房。
賽車型床可以瞓到一個成年人。
房內有部PS4連賽車椅，機迷大可打機玩通宵！
跑車房還有無敵大海景，雖然價錢稍貴，但酒店公關都話跑車房經常爆滿，想住的朋友記得快手落訂！
探索太空房都好有玩味。
加上星空投影，氣氛一流。
房內有天文望遠鏡，真係可以用作「探索太空」，果然夠貼題。玩到攰仲可以坐上
年尾無假去日本，或者可以揀東瀛魅力主題房。
房內有2件和服，最啱情侶影相自拍！
浴室內有個小木桶用作沖身，幾有日本溫泉酒店感覺。
海洋世界主題客房講到明用海洋做主題，房內當然「魚，全部都係魚」。
海洋投影幾有趣，若果配埋海浪聲就仲有氣氛！
Check out後仲可以到酒店附近的麗都灣散步。
.jpeg)
近距離睇汀九橋，同另一半拖手行沙灘都好浪漫。
.jpeg)
房價包埋2至3位自助晚餐（視乎住宿計劃），自助晚餐食物款色多，推介海膽五色海鮮丼、三文魚三文魚籽丼及香葱花吞拿魚腩蓉丼，另有波士頓龍蝦、法國膏蟹、阿拉斯加長腳蟹、即叫即燒有香烤羊扒、海虎蝦、鰈魚及鹽燒牛舌，保證能食到回本。
酒店由12月16日推出「聖誕餐飲住宿計劃」，只須$1,599起，即可入住山景房包2人自助晚餐。聖誕前後酒店自助晚餐至少$500晚，每人再加$300左右已經可以住多一晚酒店，價錢合理。如果「筆直」鬆少少又可以加$350-$550升級主題房，不同日子入住收費略有不同，更詳盡的價錢可參考酒店網頁。提提大家，於帝景酒店網頁登記成為帝景會員及預訂客房，可以減多$100，於14日或之前預訂更可免費升級至海景客房，有興趣就盡快上酒店官網訂房！
活動資訊
- 日期2016年12月12日 - 2017年1月2日
- 地址 汀九青山公路汀九段353號
- 查詢電話3716-2888
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【限時搶⚡】雙效抗敏牙膏↓
↓減輕酸軟不適、減少牙齦出血↓
↓【香港貓迷博覽會2026🐱】大派300張門票！✨↓
一連3日！帶埋主子入場
U GO 本週好去處
