1:1步驚雲、聶風首亮相！屯門《風雲》展重現故事場景
《風雲》迷應該早就收到風，今年四月將上演《風雲5D音樂劇》，但公演前屯門都有一個《風雲》主題展覽，把故事中經典場景重現，連展覽都加入五感體驗元素，如聽覺、嗅覺都能夠體會到風雲世界！即睇5大影相位：
1.天下第一樓
將漫畫中天下第一樓四季及日與夜的景色呈現大家眼前，仲會搶先播放《5D風雲音樂劇》的歌曲、製作幕後花絮等，等大家喺睇音樂劇前熱定身。
2.風雲武功修練區
跟住螢幕指示，使出步驚雲和聶風的絕招，影完仲可以製成漫畫化照片。
3,風雲合璧體驗區
絕世好劍及雪飲狂刀1:1重現，兩個人一人一把拎住影相唔使爭！
4.凌雲窟
影完相練完絕招可以到凌雲窟VR找尋火麒麟，過程仲會有熱風由裝置吹出，非常逼真。
5.浪漫蝴蝶谷
蝴蝶谷中擺有聶風雕像及桃花，走近還會聞到陣陣花香。
除咗5大影相位外，場內仲會展出多件《風雲》珍品，包括90年代絕版步驚雲手辦公仔 (未上色版)、90年代絕版聶風手辦公仔、《風雲》手稿等等。展覽期間亦會率先發售多款《風雲5D音樂劇》精品。
港生活人氣好去處
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
