睇瓷繪過新年！上水廣場花海暖意

新年放假有咩做？每逢新年間間商場都會出盡力設計裝飾，最好就係同屋企人睇靚景影相兼過節。今年Landmark North上水廣場好有心思，呈獻「鳳舞‧花瓷彩繪展」，唔單止有好多打卡影相一流嘅新春裝置，仲特別請來台灣的80後瓷繪藝術家林俊佑合作，將佢嘅精緻瓷繪作品帶嚟香港，當中仲有唔少過往嘅國際得獎作品，令上水廣場變得好有藝術氣息！ 

作為瓷繪藝術家林俊佑嘅首個香港展覽，今次帶來30件以花簇、蝴蝶同鳥類為題嘅作品，當中包括有美國IPAT（國際瓷器藝術家與教師協會）雙年展嘅獲獎作品，全部都係親手繪製，畫工相當細膩，瓷器仲融合咗中西文化風格特式，塑造特別的瓷藝風格。

林俊佑年紀輕輕，十年前第一次接觸瓷器彩繪，之後仲去過法國、日本、瑞士、美國及英國等地交流同擺展覽，沿途吸引各國瓷繪文化風格，仲遠赴法國國立塞弗爾瓷窯場研修深造。後來林俊佑更積極參與多個國際賽，仲代表台灣攞咗三面金牌返去，現已成為藝術界知名嘅瓷繪藝術家。

必睇！花瓷彩繪展

等我精選幾件必睇作品俾大家啦！30件展品當中，我就最鍾意「選帝侯憂鬱的花簇」，呢件作品以洛可可風格為主，重現十八世紀歐陸御窯最纖細、難度最高的木板加銅刻版畫法，手工好細緻，的確要細心慢慢睇。另一款就係「錦緞扇貝的狂想」，呢個六角茶罐，畫足六幅精緻畫作，林俊佑不斷改良設計及風格，由構思到完成足足四年時間，一睇就知佢擺咗好多心機去創作，係而家呢個追求乜都快嘅時代，真係好難得。

場內更會展出一系列以蝴蝶、雀鳥和彩魚繪製之小珠寶瓷盒、宮宴餐瓷、茶壺及小型擺設等，一筆一畫均盡顯藝術家巧手技藝。

必玩！花語許願照相館

睇晒咁多件瓷繪作品之後，千祈唔好錯過呢個打卡影相位！走入「花語許願照相館」，大人細路都可以置身呢片粉紅花海之中，仲可以揀自己最鍾意嘅花㚏圖案，投射喺地下約1.5米嘅巨型彩碟之上，睇住蝴蝶飛下飛下，好有生氣。

Landmark North上水廣場活動詳情：

日期：1月14日至2月28日

時間：10am-10pm

地點：上水廣場二樓中庭（上水港鐵站A4出口）

Source: 上水廣場