猶如置身台灣小夜市！元朗特色新年年宵市場

香港各區的年宵市場以賣乾貨精品為主，食品種類選擇不多。

元朗這個新年花市有得食有得玩，最啱想一邊行一邊掃街的朋友。花市由即日起至1月27日於廈村舉行，現場約有40多檔攤位，售賣賀年產品、家品百貨，以及數十個小食和遊戲攤檔，猶如一個台灣小夜市。

小食款式眾多，本地傳統至新派街頭小食都有供應，比起先前介紹的 >>大埔林村新年美食墟<<，價錢相對親民，放假不妨走到郊外掃街兼鬆一鬆！

大埔林村新年美食墟實景：

掃街之前，可以睇睇花市場內的精選食品！（注意：想幫襯小食檔，最好於中午12時後才到訪）

---------- 

台式麻糬棒

即烤麻糬外面香脆，內面煙韌；攤檔提供多款口味選擇，包括芝麻、抹茶、芝士、煉奶等等。

懷舊粉仔

粉仔又名狗仔粉，香港已愈來愈少地方有供應了！粗短的麵條，加上大量冬菇和炸菜，啖啖都是舊香港的風味！

芝士焗開邊龍蝦（$50份）

龍蝦啖啖肉，加上芝士香烤，是近年美食節/熟食墟大熱的街頭小食。

特色梳打（$30）

連葵廣這檔人氣飲品店都進駐花市！避暑山莊提供樽裝和袋裝梳打選擇，口味配搭頗多，行到攰可以飲包解解渴。

醉雞翼（$25四隻）/ 醉雞腎（$25份）/ 醉鴨舌（$35份）

更多食品包括炸香菇、炸壽司、台式烤餅、鹽酥雞、紫米露、杏仁豆腐、家鄉銀針粉、藥膳雞腳、肉燥米粉及自家製作涼茶等等。

圖：FB@強製作