性價比高 歎完雞煲烚海鮮@同人鍋
冬天打邊鍋是常識吧！想烚得盡興，一個價錢任食的火鍋放題就最超值，但大部分任食火鍋都將貨就價，不似開業四個多月的同人鍋般，會為客人精選優質海鮮作火鍋料。每位收費不用三百蚊的「任食雞煲海鮮火鍋」，推出以來大受歡迎，只因用心製作。餐廳會先讓客人品嘗惹味麻辣雞煲，之後侍應再奉上第二個鍋讓客人打邊爐。湯底則有龍蝦或花膠供選擇，而非食完雞煲後加水烚烚吓咁冇要求。值得一提的是，餐廳最近推出了椰子雞煲，雞件特別以慢煮方式炮製，肉質分外嫩滑，湯頭則鮮甜無比。如點選椰子雞煲，另奉上波士頓龍蝦一隻作火鍋料。
叫得做任食火鍋，配料當然任點任食，除了必備的牛肉、冬菇、粟米、響鈴、蔬菜外，還有特別找廠商炮製的特色丸類和香腸，例如北海道章魚丸、龍蝦沙律丸、黑椒馬蹄貢丸，以及飛魚籽魚蛋腸、煙肉豬肉腸和香草豬肉腸等。不過講到亮點，就非海鮮莫屬，餐廳每日到街市購買靚海產，例如海蝦、生蠔、鮮蜆、青口、帶子、波士頓龍蝦等，有時候甚至會有瀨尿蝦、鮑魚，以及坊間較少見的澳洲拓拓蜆，而能否一嘗此等海鮮滋味，就得看閣下運氣了！最後提提大家，來幫襯記得申請張「同人分享卡」，每次惠顧，可按人次獲得1分，累積滿一定分數便可享折扣優惠，最高可達8折，而會員的朋友只要能說出登記會員的姓名及電話號碼亦可儲分兼享折扣，齊齊開心Sharing!
海鮮除了任食的廣島蠔、白蜆、鯇魚片、鮮魷魚外，還有限量供應的澳洲拓拓蜆、象拔蚌仔、鮑魚、瀨尿蝦和波士頓龍蝦，海鮮迷肯定大滿足!
打邊爐前先吃雞煲，大大件雞件，肉質比想像中嫩滑，而且味道濃郁，最正係無限任食。
每枱奉送安格斯牛肉一碟，肥瘦適中，略烚入口，口感一流，想添食的話，可加$48追加。
冬菇、粟米、丸類、芝士腸、午餐肉……各式火鍋配料齊備，至於煙肉豬肉腸和香草豬肉腸，是店方特別找廠商製作的，非吃不可。
即叫即炸的響鈴，上枱時熱辣辣，放湯底裏烚5秒入口，索晒啲湯汁之餘，仲帶點脆口，正呀！
多款飲品任飲，除可樂、烏龍茶、韓國梳打汽水外，必試餐廳自家煲製的菊花蜜，甜度適中又清熱。
餐廳地方闊落，格局有別於一般火鍋店，用上木方枱，乾淨企理，一列玻璃窗，令環境更見開揚。
同人鍋
地址：尖沙咀山林道29-31號廣利樓1樓及地鋪4（松山道入口，柯士甸道賽馬會斜對面）
電話：2392 8433
收費：每位$288(星期一至四)，每位$298(星期五至日、公眾假期及其前夕)，另加一服務費。
優惠：即日至3月31日，6歲以下免費；11歲以下可享優惠價$120。每位成人只限帶同一名小童享此優惠。優惠不可與其他優惠同時使用。
註：點麻辣雞煲，可選龍蝦湯底或花膠湯底；點椰子雞煲，另奉送波士頓龍蝦一隻。
Whatsapp：6719 7273
Facebook：facebook.com/TungYanWor
Source: 同人鍋
活動資訊
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
-
深圳攻略
華發冰雪世界
深圳冰雪體驗｜入門必試❄️👍
最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡ 對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略
閱讀更多
港生活人氣本地熱話
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
《U GO》請您睇《電競女孩》！
本地青春熱血鉅獻🌟全女班戰隊電競逆襲之戰🎮
假日好去處