正在閱讀
旅行主題市集 免費任睇旅遊書、整手賬

旅行主題市集 免費任睇旅遊書、整手賬

2017.03.08

放假去旅行係唔少打工仔返工嘅動力,今次Market Fairish旅行主題市集就好明白大家愛旅行的心,帶大家週末小出走,係D2 PLACE一樣可以「環遊世界」。

 

市集特別設有各國國旗俾大家影相,仲邀請咗世界各地特色小物,包括台灣手造 earphone、日本古著、韓國專利設計煙盒、印度駱駝皮革包、尼泊爾民族飾品、巴基斯坦岩鹽鹽晶燈、土耳其毛氊、哥斯達黎加手繩等等,平時唔係咁易搵到架,買一件當自己去咗先!

除咗買野外,現場仲有專區俾大家免費睇旅遊書,啱哂要去旅行又唔想浪費金錢買旅遊書的朋友!而每位入場人士仲可免費獲贈文藝風牛皮紙手賬一本(3.5 x 5寸),去埋工作坊蓋旅遊主題印仔同貼埋膠紙帶就可以有一本自己專屬的旅遊手賬,又幾吸引啊

下篇:  3月文青要去!香港巴塞爾藝術展

 

活動資訊