美食車推行了一段時間，其中一部由「豪園小食」營運的美食車，最近駛到中環海濱活動空間，並且帶來限定食品及優惠。
最受歡迎的，一定要數食肉獸最愛的「雞翼優惠」！
炸雞翼$1隻，全部預先製作成單骨的「一字雞翼」，炸粉中拌入調味料，食落微辣，有淡淡的蒜香，好味。
食品即叫即炸，而且車內空間有限，製作需時，中午時份人多大概需要等15-20分鐘。
想歎雞翼的話，都要留意一下購買條款；每人至少購買8隻（即$8），最多16隻，購買9隻雞翼或以上，需同時惠顧一杯正價飲品。（每日供應量有限，售完即止）
推介皇牌飲品「檸檬BB」，茶底本身夠醇厚，美食車更以檸檬蓉代替檸檬片，檸茶味道特別濃，追求茶澀味的朋友應該啱飲。
雞翼優惠外，美食車來到中環海濱站，更推出另外一款期間限定小食—「是否西多士」。
麵包內藏有海鮮沙律，原條酥油後，外層金黃脆卜卜，內層酸酸甜甜的沙律令油膩感減退，$28一份有六小件，跟同區的小食比較，價錢合理試得過！
美食車其他食品包括：燒魷魚、牛腩麵、潮州魚蛋麵等等，價錢由$48起，現場所見有不少上班族專誠到海旁買麵做午餐。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
