榛子棉花糖吐司回歸！TOM N TOMS COFFEE推4款新品

復活節就快到喇！由4月13日起至5月31日，過江龍咖啡店TOM N TOMS COFFEE將推復活節限定食品，當中包括有榛子棉花糖吐司及士多啤梨朱古力曲奇乳酪沙冰，只限香港全線分店先食到，各位甜品控又多一個選擇喇！

1. 榛子棉花糖吐司 

早前於觀塘分店開幕時曾推出的榛子棉花糖吐司返嚟喇！厚多士有朱古力榛子醬、棉花糖、朱古力曲奇碎，並灑上朱古力曲奇碎及忌廉，口感十分有層次，喜歡朱古力的朋友不可錯過！

「榛子棉花糖吐司」單點為$65，亦可以套餐價，加配指定手調飲品1杯，套餐有兩款選擇：分為套餐A $80，指定飲品包括有美式咖啡、柚子茶、柚子汽水、檸檬冰茶、水蜜桃冰茶；套餐B則為$90，指定飲品包括cappuccino、latte、甘薯latte、紅豆latte和朱古力。

2. 士多啤梨朱古力曲奇乳酪沙冰 

活動期間新登場的「士多啤梨朱古力曲奇乳酪沙冰」，士多啤梨朱古力曲奇乳酪沙冰表面鋪上一層朱古力曲奇碎及忌廉，口感豐富，酸甜醒胃啱哂炎熱天氣！

「士多啤梨朱古力曲奇乳酪沙冰」分為3個size，價錢由$42-$48不等。

另外，全新蛋糕系列亦即將於全線分店同步發售，有「曲奇奶油蛋糕」及「士多啤梨慕絲蛋糕」($28)兩種口味選擇，除了muffin還有多個新選擇！

分店地址：

1. 尖沙咀The ONE L1 L121號舖

2. 觀塘創紀之城5期apm L4 26號舖

3. 沙田新城市廣場1期L1 158 號舖

4. 屯門屯順街1號屯門市廣場1期1樓Kiosk 2