飲食界年度盛事 HOFEX帶你與世界接軌
以前開餐廳比較簡單，只要食物好食就唔愁無人去。而家開餐廳，要令客人食得舒適、賓至如歸，除左最基本嘅食物質素之外，仲要留意食品安全、食材獨特性、餐廳裝潢、點餐科技、上餐速度、服務質素種種嘅挑戰，加上同行競爭激烈，稍不留神餐廳失去GIMMICK就會陷入無人問津嘅困境。要縛實客人個胃同心，令佢哋再次光臨，相信係每一間餐廳、Café、酒店業者等一直費煞思量嘅問題。如果身為餐廳或Café小老闆嘅你想知道去邊度採購到未打入亞洲嘅餐飲食材設備，一窺目前國際餐飲業界嘅水平，咁即將喺5月8日至11日於會展舉行嘅亞洲頂尖國際食品餐飲及酒店設備展（HOFEX），你就不容錯過啦！
兩年一度嘅HOFEX今年迎來30週年慶典，逾2,500家來自世界各地57個國家嘅供應商及廠家將雲集其中，包括日本、美國、英國、韓國、奧地利仲有香港少見嘅芬蘭、瑞典、丹麥、秘魯、白俄羅斯等，預計為約5萬位酒店及餐飲業買家締造一個切磋及擴展商網嘅機會。當中有大約80%嘅產品首次登陸亞洲，從原料、食材、烘焙、高級肉類、葡萄酒、香檳、威士忌、設備及配件等都應有盡有。
香港除左地貴、人工仲貴，餐廳廚房嘅空間同人手必須善用，搵到合適嘅多功能設備隨時幫到餐廳慳番錢！位於1樓展覽廳嘅「餐飲/廚房設備及供應」及「酒店服務及科技專區」將匯聚海內外生產商同系統合成商，展示環球最嶄新獨特嘅餐飲設備及餐飲管理系統等，可以迅速方便管理餐桌狀況，同時整合食客關係管理同獎賞計畫，全面記錄及分析餐廳業務同利潤資訊添。
餐廳cafe老闆們不妨留意下同場舉行嘅「第二屆亞洲餐飲設備大獎」(ACE Awards)，由一班出名嘅FCSI (Foodservice Consultant Society International) 餐飲設施顧問、名廚、餐飲總監及產品設計師等組成嘅專業評審團將會選出一系列創新而又高能源效益嘅餐廳設備，帶俾您更多靈感。
一網打盡環球食材飲料
- 環球食品及飲料
- 高級肉類
- 餐飲/廚房設備及供應
- 葡萄酒/烈酒/啤酒
- 烘焙及甜品原材料及設備
- 酒店款待供應
- 酒店服務及科技
- 咖啡豆、茶葉及咖啡設備
除左設備科技之外，會場進駐左大大小小不同嘅環球食品及飲料參展商，例如Café老闆唔可以錯過嘅烘焙專區及精品咖啡專區等，分別位於會展1樓同5樓。
另一矚目盛事就係德國舉辦嘅全世界第一國際葡萄酒及烈酒貿易展覽會ProWein將同HOFEX強強聯手，打造全港首個ProWine Asia@HOFEX酒展。屆時將有200間國際酒商齊集展會，仲有香檳及威士忌專區，餐廳老闆們想選購餐酒記得到展覽廳5D-E參觀。到時甚至仲可以同英女皇御用酒窖顧問Jancis Robinson、亞洲葡萄酒大師Debra Meiburg及其他葡萄酒專家同場交流，Jancis更會講解被低估嘅高潛力葡萄品種！
隨著食客越來越識食，大家對肉類嘅品質要求都相應提高。自2015年首次舉辦後，獲得一致好評嘅亞洲唯一高級肉類展「Meat@HOFEX」今年亦載譽歸來，多個國家包括阿根廷、澳洲、丹麥、德國、愛爾蘭、荷蘭、波蘭、蘇格蘭、西班牙、英國和美國嘅肉類參展商將帶來頂尖而難得一見嘅肉類產品，從新鮮、冷凍、冷藏及加工肉類等都一應俱全。
同場舉行嘅屠宰技術挑戰賽今年將由Sutherland Gastronomy主導，並與來自澳洲、加拿大、臺灣、美國、英國、威爾士等屠宰學會協辦，考驗參賽者嘅速度、精湛嘅屠宰技術、初步分切及二分切嘅創意技巧、每一次切割的準繩度及餐單設計便利性。屆時，參賽者會展示各種中西式屠宰技巧，來自本地和海外的參賽者將掀起一番龍爭虎鬥，記得為香港參賽者打打氣！
除咗參展商嘅攤位外，各個專區仲舉辦咗多項刺激嘅比賽及論壇，當中包括由國際廚師協會認可嘅世界級香港國際美食大獎，今屆收到超過1,200參賽申請，將會有900位廚師一爭廚皇寶座。精品咖啡專區亦將首辦革命性嘅全能咖啡師格鬥，比平時嘅咖啡比賽更刺激更富觀賞性，挑戰咖啡師嘅極限。屆時會場仲有西班牙火腿切片大賽、全球調酒師公開賽等，相信到時高手過招，一定火花四濺！
如果你都想為自己嘅餐廳或Café添置新裝同新食材，或者同業界交流下意見，不妨到場睇下有無嘢啱心水，等你自己一手經營嘅小餐廳都可以同世界級水平接軌！嗱嗱聲click入以下網址預先登記，省卻現場排隊登記嘅時間，成功登記後即可免費入場。
【INFO】
日期：2017年5月8-11日
時間：10:30 – 18:30 (5月11日將提前至17:00關閉)
地點：香港會議展覽中心（香港灣仔博覽道1號）
網上預先報名：www.HOFEX.com/online-signup （4月30日前截止網上登記，未能預先登記嘅業內人士可於展會期間帶同個人卡片即場登記）
*此商貿展只供18歲或以上業內人士參觀
資料由客戶提供
活動資訊
- 日期2017年5月8日 - 2017年4月11日
- 地址 香港會議展覽中心（香港灣仔博覽道1號）
- 時間10:30 – 18:30 (5月11日將提前至17:00關閉)
-
香港攻略
炎炎夏日中嘅叮叮美食團🥐🍥
沿途將會一路坐叮叮(冷氣版)一路品嚐香港嘅地道小食,當然有個超好超詳盡嘅導賞叔叔,介紹港島區嘅歷史俾我哋聽!由煎釀三寶､碗仔翅､蛋撻等等小食 一路食到甜品先落車,歷史一個小時🤪喺呢個天氣做吓遊客真係幾疏爽!有興趣可以上Klook睇吓 {{hket:campaign display="chill歎盡情食"}}{{/hket:campaign}}#親子活動#暑假好去處#港島美食#ucreator#打卡美食
閱讀更多
-
吹水
考智商和眼力
這張圖片是1975年代,那麼你能分辨出圖片中那些東西不是當年的東西｡
閱讀更多
-
香港攻略
白浜家 shirahama_ya
九龍灣新開放題😍任食海膽大拖羅
【九龍灣全新多國菜放題🔥】+$58升級任食大拖羅･中拖羅･鵝肝!珍珠奶茶DIY任飲任加芋圓!週末假日同價,仲有會員折扣! 🕒 150分鐘超長放題(可自選時段),比一般放題更從容,慢慢嘆盡日･泰･西式多國料理! **✨ 升級亮點(+58無限追加,超值! 🌊 海膽壽司･蟹肉海膽手卷 – 鮮甜綿密,配脆脆紫菜,滿足感爆燈! 🍣 脆脆壽司系列 – 口感層次豐富,一試難忘! 🍣 刺身･壽司必食: · 特大赤蝦 – 鮮甜彈牙 · 三文魚､油甘魚､帶子､北寄貝 – 新鮮厚切 · 磯煮鮑魚 – 入味軟腍 🔥 燒物･鐵板･串燒: · 鐵板香煎牛扒 – 肉汁豐富,即叫即煎 · 鐵板羊架 – 羶香惹味,火候剛好 · 泰式串燒(豬/雞) – 沙嗲醬濃郁 · 泰式生蝦 – 爽口鮮甜,配酸辣汁一流 · 芝士焗辣肉醬茄子 – 邪惡拉絲,香辣過癮 · 烤榴槤 – 燒過後甜度提升,重口味必試 🦪 其他推介:芝士燒帆立貝､明太子燒蠔､清酒煮蜆､吉列炸蠔/炸蝦/炸魷魚鬚,仲有泰式燒白鱔彈牙鮮味! 🥤 珍珠奶茶DIY任飲區 – 珍珠､芋圓､椰果､仙草､果凍……多款配料任你自由組合,調出專屬口味,過足珍奶癮!(仲有自家製台式飲品､果茶､汽水任揀) 🍦 甜品:多款口味 Haagen-Dazs 雪糕任食 + 自助夾糖區 💰 超抵價錢: $348+58(星期六日及公眾假期不加價! · 免加一,仲有平日午市自助吧(平時都有!) 🎁 會員尊享優惠(用手機App登記儲積分換食品): · 累積消費 $800 ￫ 銀會員(放題 95折) · 累積消費 $2,000 ￫ 金會員(放題 85折) · 積分仲可以換領指定美食,越食越抵! 👉 立即成為會員:https://short.storellet.com/shirahamaya 👨👩👧👦 兒童專區:有水晶糖果､小玩具,小朋友食得開心又安靜~ 📍 白浜家(九龍灣) 地址:九龍灣常悅道21號 The Eastmark 1樓6號舖 @shirahama_ya_2026 #白浜家#九龍灣放題#香港放題#多國菜放題#拖羅任食#鵝肝任食#珍珠奶茶任飲#芋圓任加
閱讀更多
港生活人氣本地熱話
↓U Lifestyle App賞您香港秋季旅遊博覽會門票↓
↓機票及酒店優惠、自助餐及餐飲套票↓
↓ 限時登記拎主題樂園門票！🎢↓
U GO 本週好去處
