香港龍舟嘉年華 14架美食車列陣 週末玩轉中環海濱

端午節令你諗起乜？除了睇龍舟、食糭、游龍舟水外，其實仲有即將開催的「香港龍舟嘉年華」不可錯過！由香港旅遊發展局主辦及中國香港龍舟總會合辦的「香港龍舟嘉年華」，除了有連場精彩的龍舟比賽，仲有多個打卡玩樂蒲點，絕對是週末必到熱點！這個活動由6月2至4日，一連3日於維港及中環海濱舉行，場內更首次有14架美食車同場出現，以及「生力啤酒節」的精彩項目及其他攤位遊戲，讓大家能一面欣賞賽事之餘，一面品嚐各款特色美食及暢飲一番！

一連3日活動天天精彩，記得Mark低時間！

重頭節目「建行（亞洲）香港國際龍舟邀請賽」，現場睇相當有氣氛！

Checkpoint 1︰14款美食車首次同場

想一次過品嚐眾多美食車所提供的特色美食？今次機會嚟喇！因為「香港龍舟嘉年華」期間，14輛美食車將首次同台登場！架架美食車來頭不少，有傳統中式美食、自家研發創新食品、米芝蓮級數佳餚、更有期間限定的新品「糭」，一次滿足你多個願望！生力啤酒更與多輛美食車推出期間限定優惠，於參與的美食車單一消費滿港幣$60，即可享啤酒買一送一優惠……說到這裡，已叫人食指大動，不過優惠數量有限，送完即止！一於趁週末快啲去試下啦！

手撕豬肉漢堡@Beef & Liberty

豬肉經過慢煮，肉質嫩滑，再加上脆豬皮、青蔥及青蘋果絲沙律，層次豐富。

美式叉包@大師兄美食車

中式刈包配上不同餡料，如北京烤鴨、上海紅燒肉、安格斯牛柳粒、辣燒烤汁雞扒等，相當惹味。

四季銀針粉@粵廚點心專門店

主打懷舊點心的粵廚，推出這款經典又令人回味的炒銀針粉，既美味又足料。

蘿蔔豬軟骨飯紅油雲吞便當@池記

豬軟骨炆得夠淋，配上微辣的紅油雲吞，令人一試愛上。 

情迷西班牙@Creative Yummy

充滿西班牙風味的的三文治，半溶芝士配上香脆麵包及餡料，滋味Level Up！

媽咪肉醬@Crunch Munch

獨家自創改良油炸鬼包，配上其招牌肉醬，吃時會在上面加上兩色芝士(車打及Cream Cheese)，配搭創新！

炸一字雞翼拼盆@豪園小食

即叫即炸的人氣炸單骨雞翼，限定新推不同風味(原味 / 芝士 / 蒜醬豉油)，配一杯冰凍啤酒就最好不過了！

原隻鮑魚瑤柱豚肉裹蒸糭@鴻福堂美食車

足料非常的裹蒸糭，內藏原隻鮑魚及瑤柱，每口都嚐到不同鮮味。

五色餃子@有得餃水餃專門店

黃薑皮、菠菜汁皮、紅菜頭皮、番茄汁皮及原味餃子皮，包住不同餡料，一次試盡5種風味！

魔廚撈麵@Mein by Maureen

店家招牌美食，結合北方擔擔麵及雲吞麵的口感，再以自家秘製的醬汁炮製。

櫻花蝦豆豉醬炒飯@八珍醬園美食車

飯粒粒分明又夠鑊氣，日本直送的櫻花蝦，配上八珍天然生曬的原粒豆豉等天然材料製成的醬料炒成，伴有3種八珍特色醬料，自由配搭，非常惹味。

鮮忌廉波蘿包@菠蘿仔食堂

賣相吸引，啖啖菠蘿肉好滋味，咬落外脆內軟，叫人一再Encore！

公主火龍寶@公主廚房

鮮火龍果打成沙冰質感，天然顏色鮮艷，裡面仲有燕麥、香蕉、士多啤梨、藍莓、杞子、椰子片，健康又有營養！

黯然銷魂漢堡@七桌子 X 樺得園

美國穀飼豬製成叉燒，配上流心蛋及熱辣辣菠蘿包，Perfect Match！

Checkpoint 2︰打卡、Selfie必到

除咗有龍舟賽事睇、享受由14部美食車提供嘅特色美食之餘，一家大細來到「香港龍舟嘉年華」都一定流連忘返！因為場內會展出由本地展能藝術家設計的建行(亞洲)特色龍舟和巨型龍舟槳擺設，至於「生力啤酒節」亦特設特色拍攝區，重現昔日香港街角情懷，絕對是打卡、Selfie必到！同場仲有不同本地手作及遊戲攤位，等你將紀念品帶回家！

由本地展能藝術家設計的建行(亞洲)特色龍舟擺設。

生力啤酒設計了一系列懷舊遊戲，包括「巨型懷舊彈珠台」，考考大家腳法，用腳挑戰彈珠台。

充滿老香港情懷的拍攝區！

現場可參與建行(亞洲)慈善活動，只要捐款$20，就可以購買龍舟祈願牌，寫上祝福掛在祈願架上，既有意義又可做善事！

Checkpoint 3︰睇埋One Good Show！

去嘉年華點少得音樂Party？「香港龍舟嘉年華」內的生力啤酒節今年特別搵來本地人氣組合或歌手，一連三日輪流為大家表演，好似Supper Moment、Dear Jane、LMF、JW、方皓玟、張繼聰、觸執毛及Kolor等，讓樂迷一邊開懷暢飲，一邊欣賞Good Show！

Checkpoint 4︰扮嘢大賽你要睇！

嘉年華雲集12個國家和地區的龍舟隊伍，合共逾5,000位健兒，而今年來自內地及海外的國際龍舟隊伍，以及總健兒數目更是歷年之最，一定會為大家帶來連場激戰。除此之外，喺6月4日大會更會增辦「Red Bull Dragon Roar」特別賽事，隊伍以障礙賽方式，在維港一決高下！同日更會有「扮嘢大賽」，參賽健兒以搶鏡造型於海上激戰，記得帶定相機啊！

「香港龍舟嘉年華」

日期︰6月2至4日（星期五至日）

主要項目之日期及時間︰

建行（亞洲）香港國際龍舟邀請賽

6月2日（星期五）：中午12時30分至下午5時30分
6月3及4日（星期六及日）：上午8時30分至下午5時30分

Red Bull Dragon Roar

6月4日（星期日）：上午11時

扮嘢大賽

6月4日（星期日）：下午1時

美食車盛會

6月2日（星期五）：下午4時至晚上10時

6月3日至4日（星期六及日）：下午1時至晚上10時

生力啤酒節

6月2日（星期五）：下午1時至晚上10時

6月3及4日（星期六及日）：上午10時至晚上10時

地點︰中環海濱（觀眾席設於10號碼頭附近）

入場費用︰免費

活動詳情︰www.DiscoverHongKong.com/DragonBoat/tc

資料由客戶提供