正在閱讀
銅鑼灣SOGO超市夏祭!3大新登場小食率先睇

銅鑼灣SOGO超市夏祭!3大新登場小食率先睇

2017.07.04

銅鑼灣SOGO B2層超市於7月5日起至7月11日舉行「夏祭り」,場內共有10個攤檔,提供多款特色日本小食,當中更有多款新登場食品。

Hokuhoku Longpotato供應大大份的長薯條,全部即叫即炸,店內共有蕃茄醬長薯條($45)及明太子沙律醬長薯條($45)兩款口味,每條長達30cm。 

明太子沙律醬的微酸味道特出,配搭長薯條很適合。

粒粒的外型特別的銅鑼櫻,一共有6款口味,包括朱古力、紅豆、奶黃、香蕉、草莓及芝士,售價為12件$48;20件$76;28件$100。

奶黃味道香濃;士多啤梨味的果味香甜;香蕉味亦能食到濃濃的香蕉蓉。

 

想一次過試幾款口味的話亦可以,只要購買時自行向店員要求不同數量的配搭即可。 

芋藏主打蕃薯及芋頭食品,包括整件都是蕃薯製成的大圓薯($50),食落軟滑甘甜。

 

燒芋丼($30)的外層以紫色芋頭包著甜蕃薯,質感柔滑,似足食蕃薯!

 

唐芋卷蛋糕($25)分為抹茶及紫薯兩種味道,茶香較清淡,紫薯味道偏甜,兩款各有特別。

另有甜芋條($25/100g)獨立發售,望落極吸引。想一次過試齊多款口味的話,亦可選擇集齊4款食品的拼盤($140)。

場內另有不少乾貨及食品,包括野菜沙丁小魚飯素($100/100g)及墨汁魷魚絲($90/80g)等等,部分貨品多買更可享受優惠,有興趣就要把握機會!

 

活動資訊