無懼炎夏！日本人氣炒雪糕鍋 自家製雪糕不求人
夏日熱辣辣，有咩開心得過開大個冷氣食雪糕。不過食嚟食去都係嗰幾味，不如試吓自己同班姊妹喺屋企DIY雪糕 / 雪葩，想咩味都得！今次搵嚟女小編Noris試玩呢款日本大熱嘅【HAPI ROLL家用炒雪糕鍋】，輕鬆自製雪糕卷、炒雪糕或雪葩不求人，好玩又簡單，影相呃like無難度！
準備篇！放入冰格12個鐘
呢部嚟自日本嘅【HAPI ROLL家用炒雪糕鍋】之前係Facebook引到個個女仔都話想要一部，原因無他，因為好玩又易用，想整咩味嘅雪糕都得，唔想整雪糕亦可以就咁倒啲果汁落去炒成雪葩，一樣咁正、咁涼透心！不過玩之前，記得先將雪糕鍋反轉放入冰格雪12個鐘 (記得係反轉)，因為咁樣先可以令炒出嚟嘅雪糕達到最佳效果。另外，不論你係落生果、朱古力或果汁等，都記得要先雪凍啲材料，因為咁樣就唔會令雪糕鍋降溫，令完成品炒出嚟更靚仔喇！
製作篇！隨你口味自製呃like雪糕、雪葩
女小編Noris平日都做唔少開箱文，今次試玩【HAPI ROLL家用炒雪糕鍋】，當然唔少得打卡、呃like啦！女小編準備咗色彩繽紛嘅士多啤梨同藍莓，仲有Canon EOS M6，貪佢外型的的骰骰，一邊整一邊影唔輪盡，為DIY雪糕、雪葩呃like做足準備！
擺好雪糕鍋同所有材料，即刻影張相先！EOS M6有輕觸式3吋芒，對焦快又準！
Set埋腳架拍片，相機嘅對焦識得追蹤人樣，拍Food Vlog郁嚟郁去都唔怕朦查查！
整雪葩︰將雪凍嘅果汁，直接倒喺雪糕鍋上，唔使1分鐘果汁就會結成冰，剷起食得！
炒雪糕︰將Toppings放喺雪糕鍋上，用剷切碎後再同雪糕混合，普通雪糕即刻變成專屬口味！
完成！輕鬆整雪葩無難度！
實戰篇！Selfie輕鬆呃like無難度
女小編試玩完雪糕鍋又影埋相，當然唔少得擺上IG啦！
影完即刻過相落電話，擺上IG相當方便！
女小編Noris用後感︰「雪糕鍋好好玩，之前喺啲日本網站見到嗰陣已經好想要！加材料炒吓炒吓就得，啱哂我呢種唔識煮野食又想玩吓花款嘅女仔！EOS M6好啱女仔用，最鍾意佢個銀黑色機身，夠晒Vintage！雖然機仔細細，但已可以輕鬆應付我日常拍片同影相嘅需要，拎出Trip都無負擔！」
夏日喜訊！免費送你HAPI ROLL家用炒雪糕鍋
睇完雪糕鍋咁好玩，係咪心郁郁想入返部看門口？不過出面好難搵，點算好？今次機會嚟喇！家陣買任何Canon EOS M系列相機，包括EOS M6、EOS M5、EOS M3、EOS M10，就送你呢個日本超人氣【HAPI ROLL家用炒雪糕鍋】，即刻睇吓詳情︰http://bit.ly/2sEC38s。
Source : Canon Hong Kong
-
吹水
每日發掘一個新角度📸EP8
每日發掘一個新角度📸EP8
閱讀更多
-
香港攻略
千海水產海鮮火鍋放題（荃灣店）
超正海鮮放題
真係正到黐線x10000 出story嘅時候已經俾人炸爆私訊 個個都話呢間正‼️仲教我拎圍裙添🤣 呢個價錢呢個質素真係冇得彈 😱海鮮好生猛😱直程捉都捉唔住添🤣 牛仔骨係我食過咁多間放題最出色🤤 我一個人已經食咗10嚿牛仔骨了🤣 而且新出嘅甜品都係唔錯‼️ 鍾意海鮮放題嘅一定要試 而且每個海鮮個牌裏便都會有佢煮嘅時間 所以係非常之細心✨ 揀完海鮮放低俾佢拎個牌 佢會幫你洗乾淨 咁上下就去拎就得㗎啦👍🏻👍🏻👍🏻 新鮮撈 新鮮食 爽歪歪👍🏻👍🏻👍🏻 晚市仲有呢個鹽焗蟹 啲蟹膏多到爆✨ 📍千海水產海鮮火鍋放題 (荃灣) 荃灣大壩街4-30號荃灣廣場B1樓B126號舖 電話:36222223/36222226 #荃灣#放題#美食#海鮮#高質
閱讀更多
-
香港攻略
莆田
原來莆田今天踏入26週年啦🥳 店員更送上辣媽醬,慶祝26周年晚市活動! 聽店員說去到10月31日晚市用餐就有啦 點選鰻魚孖寶組合 $298 超抵 普寧豆醬焗活鰻魚 選用出口日本鰻魚,豆醬香味俱全,鰻魚肉質口感惹味 加配 脆皮蒜香雞 (半隻) 另甜品 榴槤撞奶 新品有驚喜 探用馬來西亞榴槤,榴槤控大愛
閱讀更多
港生活人氣本地熱話
↓【送禮】七海健絡康復草天然減痛膏500支↓
🚨【U Community研學室正式上線！】🚨
>🌟免費下載幼稚園/小學工作紙x試題<
U GO 本週好去處
