周末必去 黃埔新天地 幫你拍片、出書、製迷你人像！
有人幫你拍片、出書、製人像，聽落已經好威水；假如，閣下嘅figure人像係3D打印出來，本書係360度拍攝閣下動作再製成畫冊，條片更係高清極速錄影，你話，係咪幾大都要去呢？今個同下個星期六、日，黃埔新天地「你相SUMMER SHARE」活動等你埋位，完成品Share上IG、FB實屬必然，大家諗定啲啜核hashtag啦！
啜核hashtag一時三刻未必諗到，不如睇睇活動詳情先啦。8月12日至13日以及8月19日至20日，即係逢星期六、日嘅下午1時至晚上8時，紅磡黃埔新天地時尚坊地庫將變身成「你相SUMMER SHARE」場館，專業拍攝團隊駐場，主持《3D迷「你」工場》、《360「動」作出版社》、《高速放閃影館》3大玩意，為大家潮玩3D打印、動影以及高速快拍，實行打破單調沉悶嘅自拍界限，包保大人同細路、兵仔與娘娘、網紅或素人都讚好不停。
8月12日至13日以及8月19日至20日，黃埔新天地「你相SUMMER SHARE」場館，為大家潮玩3D打印、動影以及高速快拍。
3大玩意一覽：
《3D迷「你」工場》
專業團隊為你打印出高約10cm嘅像真迷「你」3D立體頭像或者全身figure，很想要吧！只要擺好甫士，專業團隊立即為你進行多角度真身掃描，並透過3D打印技術塑造，製作認真細緻，絕對值得欣賞收藏。只要於指定日期於黃埔新天地消費滿HK$500或以上* / HK$2,000**或以上，即有機會免費玩《3D迷「你」工場》。
《3D迷「你」工場》嘅3D人像製作認真又細緻，栩栩如生嘅迷「你」公仔，值得擁有。
《360「動」作出版社》
細個時候總有玩過，於教科書上每頁畫個公仔，快速翻動時即變成動畫！《360「動」作出版社》玩嘅嘢原理一樣，不過就以連環快拍技術，將你變身動畫畫冊主角！只要於指定日期於黃埔新天地即日單一消費HK$300或以上，就可以與好友齊齊跳上360轉台，並由專人進行連環快拍，將簡單動作變成有趣動畫，再即場打印相片合成手翻動畫書。
《360「動」作出版社》捕捉閣下全方位動作，再製作成動畫畫冊。
《高速放閃影館》
「放閃」大家都明點解，至於個閃光彈點樣可以勁啲爆啲？一於試下《高速放閃影館》啦，佢係用極速攝錄機拍下你嘅秒間動態，再轉化成慢速影像畀你Share，就咁聽都覺得趣緻，放埋上網呢期爆硬Like囉。只要於指定日期於黃埔新天地即日單一消費滿HK$100或以上，即可參加攝錄一次。
都係嗰句：上述活動，每日名額有限，先到先得，額滿即止。咁，你仲等乜？黃埔新天地時尚坊地庫 ，港鐵黃埔站C1出口就係喇！
黃埔新天地「你相SUMMER SHARE」
日期：2017年8月12日至13日、8月19日至20日（星期六、日）
時間：下午1時至晚上8時
地點：黃埔新天地時尚坊地庫 (港鐵黃埔站C1出口)
查詢電話 ：2121 8344
Facebook專頁：www.facebook.com/whampoaworld
註：
*任何一間非食肆及一間食肆於即日以電子貨幣消費，每張發票須為HK$100或以上。
**任何兩間不同非食肆及一間食肆於參加該週之星期六及日以電子貨幣消費，每張發票須為HK$200或以上。
以上換領時必須憑合符換領資格之電子貨幣消費付款存根連同對應之正式機印發票。
資料由客戶提供
活動資訊
- 日期2017年8月12日 - 2017年8月13日
- 日期2017年8月19日 - 2017年8月20日
- 地址 黃埔新天地時尚坊地庫 (港鐵黃埔站C1出口)
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【U GO x apm打卡即賞📸】↓
> 免費拎超市現金券/ 贏走HK$500大禮包 <
↓【U Community 社群 送您 PARAKITO 天然驅蚊噴霧！】↓
>簡單登記領取<
U GO 本週好去處
