香港的「川味麻辣風」持續不減，由麻辣燙小食店，到麻辣火鍋和中菜館，近月開到成行成市。
月前，尖沙咀一間酒店也加入陣營，推出四川風味自助餐，麻辣食品以外，亦供應川式特色菜。
尖沙咀皇家太平洋酒店由即日起推出「味遊四川」自助餐，由私房菜名廚劉雪蓮創作多款川菜菜式，打破川菜只有「麻辣」和「油膩」的概念。
川菜，其實不只得麻辣食品！
撞正酒店有周年優惠，10月及11生日的人與同行朋友，更可以半價用餐，自助晚餐折後（連加一）每位低至約$360。
自助餐食品款式頗多，主攻以下4個回本位：
1. 海鮮
自助晚餐供應的海鮮冷盤包括：龍蝦、鱈場蟹腳、龍蝦鉗、螺、凍蝦及青口，質素甚高，啖啖肉的龍蝦鉗味道尤其鮮甜，而且頻頻Refill，值得一讚。
不過自助餐無生蠔供應，蠔迷要注意啦！
而熱食海鮮方面，則有即席炒蜆和焗青口等等；炒蜆可選辣炒或豉椒炒，風味甚佳。嫌未夠辣，可以再添加酒店自家秘製辣醬。
2. 涼拌四川小食
主角四川菜中有多款涼拌菜，放於圓形轉盤上，當中包括：川味涼粉、爽脆土豆絲、口水雞 、川香拌麵等等。
涼粉滑捋捋，口感冰涼；配以自家製辣椒醬、陳醋、醬油和花椒油調味，又香又麻。
薯仔夠爽口，香辣開胃。
相比之下，川香拌麵就略為遜色，麵條軟腍而且味道較「寡」。
3. 川式特色熱葷
涼拌小食以外，另有數款由雪蓮師傳創作的川式熱葷，如粉蒸肉和香辣蝦。
粉蒸肉不似港人常見的川菜般辣和油膩，蒸香的豬肉肥而不膩；墊底的南瓜和紫番薯吸盡肉汁精華，軟綿香口。
其他熱葷則包括：辣子雞、乾煸四季豆、烤羊架、薄餅、意粉等等，同行朋友不吃辣，也有不少選擇。
4. 任食Häagen-Dazs
食完香口的四川菜，食杯冰凍雪糕降溫！
自助晚餐時段，供應10多款Häagen-Dazs 雪糕，配泡芙和雞蛋仔亦可。
另有一系列大路甜品，如切餅、布甸、朱古力噴泉等。
------------------
收費及優惠：
星期一至五
成人$598/ 小童$378
星期六、日、公眾假期及其前夕
成人$648/ 小童$428
*10月及11月生日者與同枱朋友均享5折；其餘食客亦有55折優惠
*另收加一（以原價計算）
*須於兩日前預訂
【精選推介】
活動資訊
- 日期2017年10月1日 - 2017年11月30日
- 地址 尖沙咀廣東道33號中港城皇家太平洋酒店
- 電話2738-2322
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
