9大美食攤檔率先睇！ 太古坊糖廠街市集11月開鑼
太古坊糖廠街市集又返嚟啦！今次市集與本地社企Honestly Green合作，以「My Street Tastes Better Than Yours」為主題，帶出健康綠色生活理念，提供多款市集特色美食。市集將於11月5日至2018年2月11日期間，逢星期日舉行，每月更設有不同特色主題，想一嘆場內限定的美食，就不要錯過！
11月打頭陣的主題有「咖啡節」，多個海外及本地咖啡品牌都會參與，包括：Goodman Roaster、APF Kafe、Urban Coffee Roaster、Hazel & Hershey、Black Sugar Coffee、Roastery Lab by The Coffee Academics、Common Ground等，帶來多款咖啡及美食，可以一嚐限定咖啡豆炮製的咖啡外，更可參與工作坊，以咖啡渣製作環保用品及學習品嘗咖啡。而12月、1月和2月將分別以鍋物及暖心食品如熱湯為主題，為冬天帶來暖意。
今次市集共有23個創意攤檔，當中有部分為本地有機農夫檔、包裝食品及時令蔬果副產品檔，但要留意並非每個攤檔都會於周末擺檔，大家部份都只於指定周末開業。小編就帶大家率先睇勻場內的人氣美食檔，揀定心水美食，周末就可以直接同朋友逐間掃，食到飽！
第一站 Mavericks （擺攤日期：11月5日及12月頭）
店內的主打12小時胡桃木煙燻牛胸肉漢堡配卷心菜沙律（$68），濃郁煙燻香氣，牛胸肉味道入味，食落有咬口。
自家製煙燻三文魚Brutus沙律（$68）份量足料，口感清新，女生食亦夠飽肚。
第二站 Roots Eatery （擺攤日期：11月5、12日；12月10日；1月7、14日）
店內主打健康食品，特別為市集推出限定美食，包括：迷迭香烤法國走地雞配羽衣甘藍及香橙三文治（$60）及香辣西班牙燒排骨（$60）。食完仲可以一嚐柑橘梳打（$30），解一解渴！
第三站 Grand Bazzar 殿堂市集（擺攤日期：11月5日；12月10、17日；1月7、14、21、28日；2月4及11日）
店內主打台灣虱目魚，今次特別推出香煎銀爐魚柳（$98）及香煎虱目魚菲力（$30/3條），另有8款台灣手工啤酒（$48），更可與店內的食品配成套餐。
第四站 Common Ground （擺攤日期：11月5、12、19及26日）
本地咖啡品牌 Common Ground，今次除了咖啡外，更推出了牛油果多士（$40），最啱牛油果迷！嘆多士同時可以配杯ESPRESSO（$28）一齊品嚐。
第五站 Honbor（擺攤日期：11月5、12、19、26日；1月7、14、21、28日；2月4、11日）
Honbor以漢堡為主，有大大份的芝士漢堡（$80)，亦有淋滿醬汁和肉碎的薯條（$60)，可以同朋友一齊Share食。
第六站 Coffee Engineering（擺攤日期：11月19日）
以虹吸壺沖煮成的Siphon Delight，在烹調過程中加入了甜香料和蘋果一齊煮，散發出淡淡玉桂香。
第七站 電音實驗廚房 （擺攤日期：1月21及28日)
攤檔以抹茶甜品為主打，食品均使用100%丸久小山園抹茶粉使用，主打焗抹茶Oreo芝士蛋糕（$30）外，三重抹茶熔岩牛角麵包（$36）的外層牛角包鬆脆，抹茶餡料的茶味香濃，一樣適！抹茶控一試。另有店內新推出的竹炭牛角配港式奶茶熔岩及茶香咸蛋黃碎（$36）。
第八站 Fresco Dal Mercto（擺攤日期：1月21日；2月4日)
一份兩件的黑松露龍蝦包（$88），中間的龍蝦肉配上松露醬加辣沙律汁，食落啖啖惹味。
第九站 Return coffee Roastery（擺攤日期：11月5及19日）
攤檔特別推出市集限定的黑芝麻豆奶拿鐵Return black（$35)，散發淡淡芝麻香，配上豆奶很夾，容易入口。
場內更配合流動美食市集，加入多款色彩繽紛的車輛，更可以坐到經典雙層巴士上嘆美食。
下個周末，不妨同朋友一齊去糖廠街市集！
[photo=58614]
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
港生活人氣好去處
↓【✨送您Poled HK消毒機/涼感墊✨】↓
>簡單登記領取<
↓【限時搶⚡】置富Malls 全力以「褲」Pickleball套裝↓
↓亮麗的粉藍設計↓
U GO 本週好去處
