炮台山自助餐任食生蠔+海膽　限時優惠加送原隻皇帝蟹！

秋天是海鮮豐收當造的季節，要一次過食勻多款時令海鮮，去食buffet 就最好不過。

位於炮台山的港島海逸君綽酒店，月前就推出了海鮮主題自助餐，冷盤方面除了有3款即開生蠔、波士頓龍蝦、雪花蟹腳等常見選擇外，還有爆膏的法國麵包蟹和阿根廷7吋長大蝦刺身，相當吸引。

指定日子更會無限量供應海膽，8人或以上朋友（成人）同行，更可獲贈約2.6斤重的智利皇帝蟹一隻，凍食、鹽燒、避風塘食法3選1，輕易回本。

自助餐食品款式頗多，而且擺放的位置分散於餐廳多處；預先睇睇buffet 場內精選食品，用餐時就不會睇漏眼走寶：

1. 海鮮冷盤

主角海鮮的選擇多，單計冷盤就有雪花長蟹腳、龍蝦、青口、螺、凍蝦等，還有時令的麵包蟹，蟹膏飽滿味道甘郁。

而生蠔方面，則有來自3個產地的款式選擇，包括法國、美國、澳洲蠔，每人每次限取3隻，每款各1隻。

另外刺身也見驚喜，阿根廷大蝦刺身足7吋長，肉質細嫩，而且味道鮮甜，回本必食。

逢星期五至六晚，酒店更會無限量供應海膽，質素不俗。

2. 熟食海鮮

生食以外，餐廳還有供應阿根廷大蝦天婦羅和鐵板燒，熟食蝦肉仍然彈牙細嫩。

同場還有星洲炒辣蟹、西班牙海鮮飯、焗鱸魚和紅燒海參等等。

3. 其他熱葷

當中燒鴨胸、燒牛肉、印度咖喱都有驚喜，特別是由大廚即搓即烤的印度薄餅，外層香脆，內裡煙韌濕潤，蘸咖哩食很惹味。