Levi's®走入Clockenflap™撐好音樂！Rock住DIY自己嘅Levi's®

Levi's® Airstream型行香港

即將舉行嘅年度音樂盛事Clockenflap™香港音樂及藝術節又嚟啦～呢個有得玩有得聽歌嘅活動，今年又有啲乜嘢好玩呢？除咗有美食有市集有歌聽之外，仲有一個大亮點：就係Levi's® 嘅Tailor shop！今次Levi's®為慶祝Type III牛仔褸50周年，將會引入Airstream金屬廂旅車！喺進駐Clockenflap™香港音樂及藝術節之前，佢會先遊走香港大小地方，俾大家可以入去先睹為快！

到時除咗可以見到Levi's®歷來與唔同創作單位合作嘅聯乘Type III牛仔褸，包括專為歌手陳柏宇、盧凱彤製作嘅歌詞牛仔褸，以及一些聯乘單品，如Supreme、Rolling Stone等。當日只要留低聯絡資料，除咗可以收到第一手最新Levi’s®資訊外，仲會得到特別版嘅徽章同埋85折Levi’s®優惠券，所以大家記得唔好怕醜，上車睇吓喇！

金屬廂旅車今日已經去咗尖沙咀同旺角同大家見面，聽日至12日仲會去銅鑼灣白沙道、中環碼頭、旺角山東街同太子水渠道，牛迷們記得Mark實日子去朝聖啦！

想緊貼Levi's® Airstream金屬廂旅車最新動向，記得密切留意Levi’s® Facebook 專頁！ 

Levi's®走入Clockenflap™！

11月17至19日，復古有型嘅Levi's® Airstream金屬廂旅車就會進駐 Clockenflap™香港音樂及藝術節，繼續撐好音樂！

特別版賀Levi's® Type III 牛仔褸50周年

今次Levi's®特別喺美國空運Airstream金屬廂旅車嚟香港，其實係有個特別任務，就係為咗慶祝Levi's® Type III牛仔褸誕生50周年，所以仲會帶埋好多不同系列同埋特別訂製嘅 Type III牛仔褸，包括同多個創作單位合作嘅聯乘單品，好似Supreme、Rolling Stone、MOCA、Paris Saint Germain等等。仲有專為歌手或KOL專業裁製嘅牛仔褸，包括陳柏宇、門小雷、盧凱彤等。呢款經典牛仔褸喺1967年推出之後，對美國卡車司機、社運成員、甚至乎搖滾樂隊們都造成好大衝擊，成為咗佢哋既標誌之一，呢個傳奇更延續咗50年之久，咁多年嚟大家對佢既鍾愛都未曾退熱，可想而知Levi's® Type III 牛仔褸係幾咁經典。所以今次有機會可以睇到佢多年嚟嘅不斷進化，真係好難得架～

Levi's® Paris Saint Germain Limited Edition Trucker Jacket 

Levi's® Rolling Stone's 50th Anniversary Collection Trucker Jacket 

Levi's®X MOCA Limited Edition Trucker Jacket - Kenny Scharf 

Levi's® x Supreme Limited Edition Trucker Jacket 

即場DIY體驗 藝術師為你寫心聲

除咗有得潮拜之外，Levi's®仲準備咗好多唔同嘅DIY工作坊俾大家齊齊玩！為向廣東歌誕生50週年致敬，特別請嚟本地年輕插畫家Irvin Chu以廣東歌為靈感，設計多款獨特嘅歌曲主題布章於Tailor Shop免費派發。Levi's®牛仔產品可享有最多五個布章，其他牛仔產品則可享有最多三個布章，即場可用熱燙機將布章燙上，自製個人風格！

關於ITCHYMIND (IG：ithchymindhk) 

Irvin Chu 90後插畫家。過去曾經喺英國留學一段時間，畢業後回港從事插畫同埋平面設計工作。平時比較寡言，喜歡喺作品加入搞怪元素。有時會將作品想像成一股股癢癢嘅思想，在沉悶嘅時侯為其他人腦內帶來微微嘅一下刺激。

另外，仲有DIY印章體驗坊俾你玩，Levi’s®提供多達20幾款唔同嘅印章同彩繪筆，俾你即席發揮創意，畫出屬於你嘅型格圖案。

「字•我型格」畫牛工作坊

Levi's®特別請到街頭文字藝術師練黑˙文龍即席揮毫，將你諗得出嘅字句寫喺你心愛嘅Levi's® 牛仔單品上，呢啲咪叫型咯～

日期：11月18及19日（每日3節，每節2小時）

時間：1-3pm、4-6pm、7-9pm

預先登記：http://www.levi.com.hk/music_form.php

預先登記咗嘅朋友記得帶同你心愛嘅Levi's®牛仔單品入場啦！注意：登記並不包括Clockenflap™門票，參加者須自行購買Clockenflap™門票方可進入會場。

關於練黑．文龍＠dark.calligrapher街頭文字藝術師，憑一本「練黑簿」、一支毛筆，遊走城市每個角落，將自己嘅文字遍地開花，以文字療癒人心。

資料由客戶提供