金鐘聖誕限定英倫劇院 免費睇逾60場歌劇/芭蕾舞！

@11/25更新：由於反應熱烈，所有工作坊名額已滿。

---- 

今個聖誕節，太古廣場由即日起至1月1日推出「Christmas Sepctacular」，廣場Garden Court部份化身成英倫式大劇院，上演超過60場聖誕經典表演，包括香港芭蕾舞團《胡桃夾子》及香港管弦樂團等。另開設Sweet World’s期間限定糖果店，有得同聖誕老人影相外，仲有得免費玩多個節日限定工作坊。

舞台設計配上燈光效果，很有白色聖誕氣氛，於11月24日至12月26日期間的指定時段，輪流由香港芭蕾舞團、香港管弦樂團、香港歌劇院、香港城市室樂團、香港巴赫合唱團、低音男歌手Elia Astorino等多個單位，演出超過60場聖誕經典表演。

想現場欣賞精彩表演的話，可以留意太古廣場官網的時間表mark實心水表演。

太古廣場由11月25日至12月24日期間，特別推出4個聖誕限定的工作坊，可以DIY整出聖誕霓虹燈牌、原木聖誕香薰蠟燭、朱古力雕刻及聖誕紙飾品，只需要於太古廣場官網上登記，就可以免費參加。名額有限，想玩就要盡快報名啦！

聖誕節當然少不了聖誕老人，由12月1 日至25日期間，可以和聖誕老人合照，但需要預先到太古廣場購票，有興趣就記得盡快買飛啦！12月1日11日的門票收費為$80；12日至25日的收費為$110，門票每次限4人合場，包括合照一張及聖誕糖果一包。

photo=60228] 

另有Sweet World期間限定糖果店，有多款口味的爆谷出售，仲有得買即製的棉花糖。

 仲有不少聖誕裝置可以影相，有興趣不妨去玩下！