來到年尾,準備迎接新年,第一件事想要一個精美嘅年曆,有個friend話我知,聽日12月1日到以下指定地點,就可以免費攞到由「癲噹之父」John Chan為民政事局務同公民教育委員會精心繪製嘅2018年公民教育年曆,數量有限,先到先得!
【INFO】
免費派發地點:
˙公民教育資源中心(柴灣柴灣道238號青年廣場7樓)
˙十八區民政諮詢中心
˙康樂及文化事務署轄下各區公共圖書館、各區大會堂、香港文化中心及香港歷史博物館
查詢電話:2802 0131
本地知名創作人兼插畫師John Chan表示,好希望透過「癲噹」嘅演繹,話俾市民大眾知道三大核心公民價值:「尊重與包容」、「負責」及「關愛」。
2月係中國農曆新年,John Chan將自己化身成為一家之主寫揮春,而兩隻愛貓就取代仔女角色,幫忙貼揮春。無論係做丈夫抑或爸爸,都要對家人「負責」,首要愛錫同保護家人,家庭生活就會樂也融融。
細心留意3月份插畫,就可以明白到「尊重與包容」嘅道理。喺同一個地方,有不同種族、年齡人士,大家互相尊重與包容,唔分種族、膚色、語言、年齡,和而不同,齊齊同樂!
點樣對人表達「關愛」?扶阿婆過馬路係一個經典例子。9月插畫溫馨提示大家,其實喺日常生活中做個好公民,絕對唔難架!
每個月都有主題標語,大人細路都啱睇。年曆數量有限,先到先得,由12月1日開始派發,可以喺指定地點免費攞得到。
資料來源:公民教育委員會
活動資訊
- 日期2017年12月1日 - 2017年12月1日
- 地址 指定派發地點