熱愛優質生活

觀塘街市$78一人麻辣海鮮鍋 加料歎親民價即劏鮑魚/龍蝦/花甲!

日期: 2017年12月8日 - 31日 (火鍋供應時間 6pm-9pm)
地點: 觀塘秀茂坪寶達街市/九龍灣啟業街市內    觀塘區

就算一個人食飯,冬天時都會心思思想打邊爐,連鎖店有一人火鍋外,不少街坊茶記麵檔也逐漸推出類似鍋物。

觀塘秀茂坪寶達街市內的「正一麵」,最近就跟隨潮流開始供應一人鍋,每款價錢由$78起,就可以食到新鮮即劏海鮮,以質量鬥連鎖快餐。

一人鍋分3款,主角有蝦、沙巴、菲律賓藍蟹,價值分別是$78、$88及$98;指定海鮮外,還可自選肉類、蔬菜、麵底,配搭都不少。

麵店以豬潤湯麵作招徠,老闆亦以豬潤火鍋湯底作主打,更有麻辣版本選擇;兩者同樣鮮甜,而且湯頭清澈不油膩,適合灼海鮮。

不過麻辣豬潤湯以麻香為主,不算很辣,一心嚐辣的朋友可能會覺得有點落差。

蝦上枱時還會跳動非常生猛,肉質彈牙;藍蟹每份有半隻份量略少,但蟹膏和肉頗甜。

海鮮迷若然未滿足,可以到街市的「環球海產檔」追加海鮮,按斤/份買亦可。

 

二人同行可選這份$128拼盤,有齊活鮑魚、象拔蚌、花甲和草蝦4款海鮮,份量十足,帶入麵店打邊爐的話可請海鮮店即場清潔處理,加工費$30。

其他推介海鮮包括:龍蝦、大紅蟹、蟶子。

行開街市的話,可留意場內的火鍋祭優惠,攤檔不定時會舉行$5撈蜆、$3抓菜、$10任裝水果及$5任夾丸活動,名額有限。雖然$5可以撈到一袋蜆,但即場打邊爐食要付$30加工費,還是買回家煮較划算。

【精選推介】 

12月生日優惠晒冷!13個免費自助餐/住宿/門票戲飛

全港商場聖誕佈置+卡通晒冷!逾100個影相位/花海

九龍灣Peppa Pig聖誕城堡 15呎音樂噴泉+期間限定店

淺水灣新開飄雪水晶波波屋 近萬呎海景場歎下午茶

內容評分
評語
Elel Yu
Elel Yu
08/12/2017 19:22
扼人嘅!!!又話啟業街市內有店,山長水遠行到嚟點知原來都冇!!!