正在閱讀
荃新天地有牆任畫 走進聖誕童「畫」

荃新天地有牆任畫 走進聖誕童「畫」

2017.12.08

平時喺屋企畫牆實比人鬧,今個聖誕節去荃新天地就最啱啦!因為佢地聯同知名美國兒童繪畫品牌Crayola,展出聖誕童「畫」,有全港最大嘅彩虹蠟筆牆任你打卡,只要消費滿指定金額或積分就可以喺3間聖誕小屋發揮創意,任意塗鴉,大人細路都可以過一個七彩繽紛嘅彩色聖誕!


日期:即日至1月7日

打卡必到熱點!全港最大彩虹蠟筆牆
夢幻「油」樂園最矚目梗係用超過3萬支Crayola蠟筆砌成嘅彩虹蠟筆牆啦!作為全港首現同最大嘅蠟筆牆,絕對係打卡熱點,旁邊重設有留言磁貼牆,俾你用畫筆留低聖誕節願望!
幼兒聖誕屋啟發小寶寶創意
幼兒聖誕屋係專為1-3歲幼兒同各位家長而設嘅親子「塗鴉」區,場內有多款My First Crayola幼兒系列蠟筆,任小寶寶發揮創意。蛋形嘅蠟筆經過特別設計,就算係未握到筆嘅小手都可以輕鬆掌握,顏料亦係安全無毒性,家長可以放心俾小寶寶畫出自己嘅小宇宙。

玩具油樂園 Dandelion陪你畫出玩具夢
荃新天地今次「誠邀」黃色小蠟筆Dandelion(Dan.D)帶埋禮物嚟到玩具油樂園,陪大家慶祝聖誕!天花掛滿彩燈嘅玩具油樂園有如小童Play House,牆壁、地面及玩具都可以任由小朋友填色,立體玩具小熊同火車積木玩具都等住你嚟為佢地增添色彩,創造獨一無二嘅「玩具油樂園」。
閃閃聖誕夢小屋 同摯愛一齊聖誕童「畫」
最有節日氣氛嘅閃閃聖誕夢小屋,有近2米高嘅閃閃聖誕球,加上金銀相間嘅聖誕閃球掛飾,絕對係情侶放閃之選!入場仲會得到「聖誕願望球」,等你可以喺金閃閃嘅氣氛下,用畫筆同摯愛一齊畫出夢想,祝願聖誕願望成真!

場內設有數碼魔法站,小朋友可以喺專用畫紙為心愛嘅卡通角色填色,再用平板電腦掃描,角色就會以AR效果立體呈現眼前!

奇想畫廊展出多幅「留白」嘅作品,可以即場用畫筆於特定畫框內畫出自己嘅作品。

Crayola創意實驗室有兩大工作坊:聖誕玻璃瓶及聖誕禮物彩布包裝工作坊,有專業導師教你製作小手工,將彩色手作帶入生活。

12月23至26日及12月30日期間,流動藝術聖誕車將駛到荃新天地,大家可以「到此一油」,畫出別樹一格嘅聖誕車。
未畫夠的話,可到場內特設嘅Crayola期間限定店,以優惠價換購全港獨家首賣嘅Crayola 產品,買夠指定金額,仲會送Crayola非賣品禮物,快啲去選購心頭好啦!


資料來源:荃新天地 

活動資訊

  • 地點 /

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠