文: Moses

2017.12.11

講到聖誕，除咗聖誕老人，仲會諗到啲乜? X'mas Party、繽紛嘅嘉年華、同另一半甜蜜浪漫一番……如果你都諗到以上答案仲想擁有晒，咁就要快啲去天水圍T Town走一轉，可以一次過滿足晒你呀~今年T Town帶嚟全港首個以棉花糖為主題嘅聖誕活動，無論聖誕裝置、遊戲都同棉花糖有關，連遊戲禮物都係聯乘台灣著名棉花糖精品專門店「綿菓子」，每星期直送棉花糖到港。聖誕期間，有天水圍兒童合唱團唱聖詩，仲有香港著名舞蹈學校Dance Union同香港棉花糖達人合作，帶嚟全港首個花式棉花糖x舞蹈表演。節目咁精彩豐富，遊戲獎品又咁吸引，點可以錯過！

以美國棉花糖日 (National Cotton Candy Day)為概念，T Town嘅首個聖誕活動，打造出一個棉花糖世界，所有聖誕裝置都以棉花糖為主題，令T Town每個角落都充滿甜蜜蜜嘅感覺，真係隔住個Mon都Feel到陣甜到漏嘅浪漫氣息呀！

T Town 獨家聖誕禮物台灣直送特別棉花糖

T Town嘅聖誕主題玩樂區，有3間外型又靚又吸引嘅甜蜜綿綿聖誕屋，每間聖誕屋分別有「百發百中薑餅陣」、「雪人甜甜圈」同「翻滾白雪球」等特色遊戲，想玩其實好簡單，只要即日喺T Town消費滿$50就可以換1張「聖誕遊戲券」，每2張就可以玩一個遊戲，食餐飯就可以玩幾次啦~

另外，T Town特別邀請咗被喻為世界第一棉花糖專門店嘅台灣「綿菓子」合作，提供6款獨特口味嘅棉花糖同設計咗個T Town限定聖誕棉花糖花束作為遊戲禮物。「綿菓子」嘅棉花糖係採用獨家CROSS技法製作，口感綿密，款式又特別多，好食到好多台灣著名綜藝節目都介紹過！而今次T Town帶嚟「夏日檸檬」、「卡滋梅子」、「香甜蘋果」、「紅茶牛奶」、「日式海苔」及「Oreo曲奇」6款口味，每星期台灣直送到港，「香甜蘋果」口味仲有乾果肉喺入面，真係全港獨有。T Town限定聖誕棉花糖花束外型勁靚，連棉花糖都係另外3款獨特口味，有抹茶、跳跳糖同黑嘉麗口味，真係又睇得，又食得，要快快贏晒3個遊戲，儲夠3個印仔，將聖誕棉花糖花束捧返屋企！

2大聖誕特備節目！

平安夜及聖誕當日下午時段，T Town準備了甜蜜綿綿派對- 「聖誕綿綿報佳音」及「花式棉花糖表演」2個聖誕特備節目與民同樂。首先當然要介紹今次T Town邀請咗香港著名舞蹈學校Dance Union同香港棉花糖達人合作，帶嚟全港首個花式棉花糖表演，由著名舞蹈老師Sunny Wong指導嘅Dance Union，將舞蹈連繫花式棉花糖，以創新嘅故事為T Town打造一個獨一無二嘅show。另外，又邀請咗天水圍兒童合唱團嚟報佳音，唱盡多首聖誕歌，大家到時可以一齊聞歌起舞~

為各大巨星及演唱會排舞嘅Sunny Wong跳得就好多人都知，由佢教導出來嘅舞蹈員當然都有返咁上下，睇住佢哋Hot Dance一番，應該都想跳返Part舞！

由一班得意可愛又唱得嘅小朋友組成嘅天水圍兒童合唱團，將會同大家唱吓歌，呢啲咪就係聖誕氣氛咯~

全港獨有幻彩棉花糖機同香港棉花糖達人都來到T Town！仲同Dance Union 一齊表演，完Show後仲即場派發一口棉花糖，等你甜甜蜜蜜過聖誕。

甜蜜綿綿派對

日期：2017年12月24日(星期日)及25日(星期一)

時間及地點：領展T Town 北1樓

中午12時至下午1時

下午4時至下午5時

T Town甜蜜「綿綿」聖誕

日期：即日至2018年1月1日

地址：新界天水圍天華路30至33號 (輕鐵頌富站旁)

推廣活動詳情可瀏覽Linkhk.com

資料提供︰T Town

活動資訊

日期2017年11月20日 - 2018年1月1日
地址新界天水圍天華路30至33號 (輕鐵頌富站旁)

展覽

更多真實評價

Hkfoodiary852

深圳攻略

深圳必試💯 | 口味多到眼花撩亂🤤

深圳嘅bagel界話晒都要提一提呢間出名嘅Begl 🥯💛 口味選擇超多,每個都想試~bagel本身幾有咬口,好滿足! 我自己最鍾意嘅係蒜蓉奶油bagel🧄+藍莓芝士忌廉bagel🫐🧀,一鹹一甜,完美平衡😋 #深圳美食#Begl#bagellover#深圳打卡#社群共創攻略#深圳cafe推介#深圳美食#深圳攻略#UCreator#深圳探店#深圳打卡#深圳新店

閱讀更多
Hkfoodiary852

深圳攻略

華發冰雪世界

深圳冰雪體驗｜入門必試❄️👍

最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略

閱讀更多
小沐 Virgo

著數報料

零食物語

著數報料🛍️😍 買一包送一盒檸檬茶

非廣告自費自費！超級抵呀買一包卡樂b，送一盒檸檬茶平時都超級鍾意食呢一款有機會經過零食物語可以睇下 {{hket:campaign display="法式科學護膚"}}{{/hket:campaign}} #ucreator#港玩港食#香港美食

閱讀更多