登機備忘錄!! 香港國際機場免稅shopping攻略
平日辛苦儲落嘅假期、通宵搶到嘅平機票，都只為期待已久嘅旅行時玩得更盡興。識玩嘅，當然要由上機前一刻開始投入假期！香港國際機場最近換上聖誕新裝，打卡位增加，仲有全新免稅店進駐！我哋今次搵咗機場內應帶路，教大家入手各種送禮自用嘅精選禮品，再用埋免費送貨服務，滿載而歸，一樣可以輕鬆上機！
臨近聖誕，機場聖誕裝飾已經散布多個角落，由離港層落客區嘅一整排聖誕樹，到離港大堂嘅多個大型燈飾，節日氣氛濃厚，打卡位極多。
全新免稅店登場
唔少人都會提早到機場，除咗預辦登機手續，當然要好好行下禁區內嘅免稅店。喺11月新開張嘅Duty Zero可以買到一系列酒類產品及本地美食，當中不難發現限量版威士忌和機場獨家發售嘅酒類商品，而本地特產則有蛋卷、龍鬚糖等等，買一盒傍身，獎勵自己又可以同親朋好友分享聖誕嘅喜悅！
Duty Zero以八個舖位組成，出售亞太機場中最齊全的單一麥芽威士忌組合，包括機場獨家發售的單一麥芽威士忌。
店內有聖誕特別版香檳、大熱的日本威士忌，以及本地特色手信龍鬚糖，今個聖誕用作送禮或開派對就最適合不過。
全新開幕嘅Beauty&You貨品一樣多元化，搜羅了各國知名品牌及人氣日韓護膚品、化妝品及香水，更有太陽眼鏡、手袋及首飾等。各位不妨瞄準機場的獨家限定版，仲有值得收藏嘅旅遊獨家產品！想喺登機前一站式入手旅途用嘅面膜、護膚品，再為一班閨密準備聖誕禮物，完全無難度！
冬日出行，女生去到護膚品專櫃實在難以忍手。
除了自用嘅化妝品及護膚品，店內仲發現唔少gift set，甚至有水晶腕錶及男士用品，可以為父母和閨密好好準備聖誕禮物。
免費送貨 唔怕行李Overload
問題來了，當你樂極忘形為親朋好友老闆同事和自己準備聖誕禮物，塞爆hand carry點算好？放心，只要喺香港國際機場單次消費滿1,000港元，便可以享用免費本地送貨服務。
如果單一消費滿2,500港元，更可選擇將禮物直接寄到住喺亞洲嘅朋友家中來一個小驚喜，送貨範圍包括印尼、日本、澳門、中國內地、馬來西亞、菲律賓、新加坡、南韓、台灣、泰國及越南。免費送貨服務詳情可以向店舖職員查詢。
消費滿指定金額，店舖職員可為你安排免費送貨服務。
以電子貨幣消費滿指定金額更可換領機場現金券。
聖誕節機場亦推出不少購物優惠，即日至2018年1月2日，只要以電子貨幣消費（信用卡、提款卡、易辦事、支付寶或其他手機支付工具）滿指定金額，即可換領機場現金券，獎賞高達15,000港元。如以銀聯卡消費，更可享額外獎賞，給你彈藥盡情shopping。
現金券換領專櫃：
換領時間：7am-11pm
換領位置（一號客運大樓）：
1. 第8層 離港層（夾層）（非禁區範圍，近翠華餐廳）
2. 第6層 離港層東大堂（禁區範圍，1-19閘口，Tiffany & Co.對面，7am-12:30am）
3. 第6層 離港層東大堂（禁區範圍，1-19閘口，Duty Zero，近周大福）
4. 第6層 離港層西大堂（禁區範圍，40-80閘口，旅客服務中心）
5. 第6層 離港層中場客運大樓（禁區範圍，201-230閘口，旅客服務中心）
6. 第5層 離港層北衞星客運廊（禁區範圍，501-510閘口，近電腦上網區）
7. 第5層 抵港層抵港大堂（禁區範圍，Duty Zero）
如果買完仲有時間，再推介兩個「景點」俾你哋。靠近20、21號登機閘口位置，有Lancôme與CHANEL為聖誕特別設計嘅裝飾，打完卡上機啱啱好！
Lancôme嘅粉紅巴黎鐵塔極搶眼，遠遠已可看見。
CHANEL將聖誕禮物放進一個巨型玻璃箱，女生看到都心動吧。
活動受條款及細則約束。
推廣詳情：www.hongkongairport.com/chi/shopping/promotion.html
免費送貨服務詳情：www.hongkongairport.com/chi/shopping/free-delivery.html
資料提供：機場管理局
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
港生活人氣本地熱話
↓【限時搶⚡】置富Malls 全力以「褲」Pickleball套裝↓
↓亮麗的粉藍設計↓
↓【限時搶⚡】雙效抗敏牙膏↓
↓減輕酸軟不適、減少牙齦出血↓
U GO 本週好去處
