皇室堡 X 東角LAFORET X CHIWAWAWA 新春狗年開大會

請注意！汪星人大進擊！講緊嘅係由即日開始，銅鑼灣地標之一嘅皇室堡同東角LAFORET ，邀得由本地著名設計師Toby Yeung同阮小儀共同主理嘅潮流品牌CHIWAWAWA幾位超萌小狗主角，齊齊同大家賀新年！兩個賀年活動分別係「皇室堡X CHIWAWAWA新春『旺』犬甜蜜工房」及「東角LAFORET X CHIWAWAWA新春煙火大會」，嚟到唔止可以玩盡各大攤位遊戲，仲可以羸取豐富禮物，打卡開心過年！

催財轉運沾桃花  行完大運打埋卡

今次搵嚟 CHIWAWAWA嘅幾位主角，唔少得經常同大家見面嘅小儀愛犬Dee Dee，佢仲聯同埋成班巴絲打們︰芝麻、湯丸、細佬佬、稿稿哥哥、寫寫妹妹、㗎犬同呀牛，炮製咗各款賀年美食同大家分享之外，仲主持咗「桃花步步高搖搖板」、「粉紅浪漫桃花林」、「時來運轉狗狗羅盤」等等多個遊戲攤位，仲有著名糖畫大師Mr Candy Art炮製CHIWAWAWA精緻造型糖畫棒棒糖添！咁多嘢玩就梗係要記得行晒皇室堡同東角LAFORET兩個場啦，打埋卡行埋大運，呢個絕對喺新年攞晒彩啦~

打卡熱點精選：

熱點一︰大吉小吉逐個捉

吃貨的儘管嚟啦~只要係螢幕上捉緊最多嘅大吉小吉，就有機會羸到「CHIWAWAWA甜蜜糖果」，包裝上仲有超萌小狗靚樣，等你嘴甜心又甜！

熱點二︰時來運轉狗狗羅盤

唔使玲玲姐，都一樣可以到狗年吉位嘅！咪就係「時來運轉狗狗羅盤」囉！只要你成功將圓珠由你嘅指定吉位，避晒啲洞洞成功進入中間狗狗柱身，就可以免費攞到CHIWAWAWA至潮揮春或Yaya Club精美筆記簿及文件夾，好玩又好禮，唔玩你就輸！

熱點三︰粉紅浪漫桃花林

單身嘅朋友務必關注！「粉紅浪漫桃花林」就係俾你同心儀對象，一齊漫步林中沾下甜蜜桃花香氣，又可以雙雙坐响「甜蜜暖心椅」度，撻一下愛火花，夠晒貼心！

熱點四︰旺『汪』滋味小食車

愛吃的人有福了！因為小食車將會有糖畫先生Mr Candy Art泡製士多啤梨、青檸、提子同橙四種口味嘅CHIWAWAWA精緻造型棒棒糖。

熱點五︰東角LAFORET X CHIWAWAWA新春煙火大會

一眾超萌小狗兵團 仲會去到東角LAFORET打造新春煙火大會，佢哋著上繽紛賀年新衣，在璀璨的煙火下與大家迎接狗年的來臨！

皇室堡x CHIWAWAWA新春『旺』犬甜蜜工房」

日期：即日至3月4日

地點：皇室堡地下中庭

新春限定消費禮遇：

CHIWAWAWA奇趣「利」是封

換領日期：即日起至2月15日

換領詳情：皇室堡任何商戶消費滿$800*或Windsor Club會員憑5,000積分

CHIWAWAWA旺財收納箱 (乙份)

換領日期： 2月16日起至3月4日

換領詳情：皇室堡任何商戶消費滿$600**或Windsor Club會員憑4,000積分

東角LAFORET X CHIWAWAWA新春煙火大會

日期：即日至3月4日

地點：東角LAFORET

CHIWAWAWA賀年利是封 兩套 (一套八個)

換領日期：即日起至換完即止

換領詳情：東角LAFORET任何商戶消費滿$1,000*

雙妹嚜沐浴露(500毫升裝)

換領日期： 2月19日起至換完即止

換領詳情：東角LAFORET任何商戶消費滿$600*

**於皇室堡/東角LAFORET任何商戶以電子貨幣(信用卡/易辦事/八達通/手機支付)消費，憑最多2張不同商戶之即日機印單據(每張金額必須滿HK$100)，連同相符之電子貨幣付款存根

Source︰皇室堡及東角LAFORET