W酒店新年下午茶自助餐 3小時任食鮑魚+過30款茶點甜品
為了迎接「狗年」，位於九龍柯士甸的香港W酒店，由即日起推出以「汪旺福到」作主題的賀年餐飲，無論是自助餐、下午茶、雞尾酒都加入新年元素，今個節日可以與家人朋友一同飲飽食醉慶祝農曆新年！
下午茶自助餐只在周末及公眾假期（2:30pm-5:30pm），於W酒店WOOBAR供應，有超過30款甜品和小食選擇，賣相精緻，而且一小一小件可以試多幾款。
自助餐以鹹點打頭陣，主打任食矜貴金箔鮑魚；鮑魚仔以滷水浸過，吊起海鮮的鮮甜味，肉質彈牙軟嫩，食客們都一隻接一隻不停食。
另有其他如煙三文魚配羅勒忌廉芝士配魚子醬、麻香雞卷配鵝肝粒、香脆蝦肉卷配酸梅醬等都很受歡迎。
小編特別推介煙三文魚卷，煙三文魚中加入以羅勒和忌廉芝士打成的忌廉，軟滑清新。
另一款清甜小食有山藥配紅桑子醬，食完油膩茶點可食件清清口腔。
飽嘗完點心後，可以轉戰甜品區，不少都加入中式食品元素。
人氣甜品有蝴蝶酥配花生醬牛油忌廉、茉莉花慕絲配柚子啫喱、濃香芝麻朱古力撻包裹著流心黑芝麻吉士醬、法式燉蛋配紅棗糖漿、木槺布甸配橘子果蓉及焦糖果仁，以及W經典鬆餅。
而飲品方面，下午茶自助餐供應果味Mocktail可任斟任飲，另包每位一杯咖啡/茶/朱古力。
想飲杯酒的話，可加錢追加新年限定雞尾酒（$145/杯），其中一款加入四川麻辣香料調味，甜中帶辣，味道刺激。
活動資訊
- 日期2018年2月3日 - 2018年2月28日 逢星期六、日及公眾假期
- 地址 九龍柯士甸道 1 號
- 人均消費$201 - $400
- 開放時間
- 電話3717-2889
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣本地熱話
《 U GO》請您去荷花夏季BB展 2026！
運動BB爬行賽/20種異寵體驗/Messy Play/明星校長講座🤩
【2026親子旅遊攻略✨】最Chill假日玩樂行程推薦～
U GO 本週好去處
