唔洗丟寶碟 一樣可以「願望成真」

當許願樹都大嗌要抖抖嘅時候，仲有邊度可以Make A Wish？梗係唔係去龜池咁傻豬啦！今年ELEMENTS圓方好有新意，聯乘咗本地繩結設計師Zoe Siu，齊齊打造出「願望成真」嘅新春裝置藝術，畀大家一齊嚟行大運許個願！除咗有「願望果」祝願大家願望成真外，仲有必到景點「如意吉祥」桃花樹、幸福花海同埋幸福如意路助你催旺人緣，咁今年就會桃花暢旺啦~

想2018有個好開始，咁就要嚟ELEMENTS圓方行個大運啦~可以去「願望果」許個願、順道兜埋桃花樹行個桃花運，啱晒一家大細嚟攞返個好意頭！

新年好意頭 「願望果」祝願望成真

繩結一向係中國人寓意福緣滿載嘅意思，係一個誠心祝福嚟㗎！所以今次ELEMENTS圓方以Wishes Come True「願望成真」為題，設計咗多個繽紛如意結綵球，同時亦聯乘本地繩結設計師Zoe Siu，運用咗五種古今中外嘅特色繩結，包括扣環圓結、聯心結、雙全結、永恒結同平安結設計出「願望果」裝置，而每款繩結亦代表著對財富、家庭、愛情、健康同事業嘅祝福，希望大家响新一年嘅願望都能夠開花結果、願望成真！另外仲有幸福花海，只要揮揮手，燈光顏色就會即刻變身，化成萬紫千紅嘅幸福花海；拖埋摯愛齊齊漫步幸福如意路，夠晒溫馨啦~

「願望果」上掛滿運用左五個古今嘅中外繩結，包括扣環圓結、聯心結、雙全結、永恆結、平安結，每款繩結分別代表著對財富、家庭、愛情、健康及事業嘅祝福！

只要揮揮手，呢度就會變成幸福花海，拖住摯愛一齊漫步其中，驚喜之餘仲好溫馨添~

除咗許吓願影靚相之外，大家仲可參加祈願繪板工作坊㗎！你唔單只可以响板上寫上新年願望，更可以親手織出三款繩結，仲要係Zoe Siu親身指導，小朋友同家長都可以齊齊參加㗎~

ELEMENTS圓方－「願望成真」祈願繪板工作坊活動詳情

活動地點：ELEMENTS圓方金區一樓

開放日期：2018年2月10日（星期六）

開放時間：下午3時正至3時45分

參加者人數：共7組 (6-12歲小朋友及家長各一名)

活動內容：製作「願望成真」祈願繪板

- 由本地繩結設計師Zoe Siu教導編織三款不同繩結

- 於祈願繪板寫上新年願望

報名方法 2月10日（星期六）下午2時開始於活動地點報名

資料提供︰ELEMENTS圓方