銅鑼灣新開滬菜 食勻即製小籠包+嫩滑牡丹桂魚

文: TenTen
2018.02.20

平日食慣西餐、日本菜,想轉下口味之餘又平平地。可以試下位於銅鑼灣的滬菜餐廳江浙滬,位置方便,適合聚餐,價錢相宜,老少咸宜都啱食。趁就到新年,可以食個另類團年飯!

餐廳位置方便,位於銅鑼灣鬧市中。

廚房大部分師傅都是上海人,保證食物夠地道。

招牌鮮肉小籠包($36/4隻),以人手製作,每個都包入滿滿餡料。

高湯用豬展、老母雞、雞腳及豬骨等煲十二小時,雪凍後形成啫喱狀,再混入豬肉餡料中。

咬一口就有湯汁流出,高湯味道濃郁。

 

口水雞($58),雞肉嫩滑。加上自家秘製辣醬熬煮兩個鐘,質感濃稠,惹味但不算太辣,嗜辣者可能會不夠過癮。

 

牡丹桂魚($148),即叫即炸,完成後將茄汁、喼汁及醋製成的醬汁淋在桂魚上。

外脆內軟,頗香口,而且酸酸甜甜,相當開胃,配白飯一流!

上海醬鴨($56),用豉油、糖醃兩星期,再風乾兩星期,製作用心。

帶鹹香,充滿醬油,非常入味。

 

香蔥煎餅($36),即叫即做,口感酥脆,可惜蔥味不太突出。

活動資訊


↓【限時搶⚡】送您Sweety Eyes by cl mall日本PIA日拋彩妝隱形眼鏡↓

↓甜美可愛系、自然亮眼系、明星款|獨家9折優惠↓

↓甜美可愛系、自然亮眼系、明星款|獨家9折優惠↓