黃大仙Olive ERA最近推出下午茶放題，限時1小時任食主食、意粉、漢堡及甜品等，價錢親民，其中抵食位在於任食「安格斯肉眼扒」，不過優惠只做到3月尾及僅限黃大仙分店，經過不妨試試！
Olive ERA地方闊落，有戶外座位，十分舒適。
主打任食「安格斯肉眼扒」大塊濃味，肉汁豐富。
三款迷你漢堡，包有豬肉/牛肉及魚柳，味道不錯但較為乾身。
唯一粉麵類食品「意式茄汁蝦肉意粉」，意粉硬度適中有口感，可惜較淡味。
滋味小食拼盤有齊炸蝦、雞翼、洋蔥圈及薯條，洋蔥圈好香口，雞翼外脆內嫩，薯條粗身有啖啖薯仔肉，好味！
食完肉覺得膩可以食埋薯仔沙律及凱撒沙律，中和一下。
甜品方面推介「雜果熱香餅」，每份有一塊厚身班戟，想做到相中三層效果，就要一次點三份喇！
班戟口感軟熟厚實，有蛋香味但會比較飽，建議不要一次點太多。
「肉桂忌廉厚多士」聞到陣陣肉桂香氣，如果脆身點更好。
另有兩款蛋糕，特濃朱古力餅及檸檬蛋糕，質素一般，可以不點。
加$10可無限添飲指定飲品、加$18則可轉其他特式飲品如奶昔、梳打等。
放題優惠由2月19日起至3月31日，入座時間為3pm-6pm，限時60分鐘任食；價錢成人每位$58、小童不高於100cm$38，另收加一服務費。
活動資訊
- 日期2018年2月19日 - 2018年3月31日 3pm-6pm(限時1小時)
- 地址 黃大仙睦鄰街8號現崇山商場地下G1-G2號舗
- 人均消費$51 - $100
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
