西營盤新開日式甜品店 主打抹茶心太軟/足料梳乎厘
西環區向來是不少文青咖啡館、甜品店的熱門選址，滿滿的人情味讓人暫時放下活在都市的壓迫感。曾於美國擔任西、日餐廚師的張先生亦決定在西營盤「插旗」，去年12月開始與太太一同經營「松屋」甜品店。店舖主打抹茶、梳乎厘等，擺盤亦有花心思，食得又睇得！
店舖位於西營盤一條小斜路旁，鄰近地鐵站，約5分鐘步程。
舖仔細細頗別緻，大約可以容納22人；店內裝修簡單，牆身以青綠色為主，兩邊掛上圖畫。
梳乎厘、窩夫等甜品即叫即整，等候需時。記者重點推介以下4款甜品：
日式蕨餅抹茶心太軟伴抹茶雪糕($58)，集合自家製抹茶心太軟配日產蕨餅、日產抹茶雪糕，再灑上抹茶粉，標榜使用京都丸久小山園抹茶粉。
店主會事先準備好心太軟，再翻熱製造流心效果。心太軟外層鬆化，厚度適中，抹茶流心香濃。
蕨餅略黏口，與抹茶粉夾；店舖抹茶雪糕均是日產，質素有保證。
焗冰火布朗尼朱古力梳乎厘($52)，布朗尼、雪糕上放已打發的蛋白，焗5分鐘後再加上當造水果、朱古力醬、薄荷葉和糖霜。
梳乎厘賣相佳，蛋白打得算順滑，食落頗綿密，但整體略甜。
朱古力布朗尼偏甜，可可味不算濃，軟硬適中不會過份扎實。
*只可配搭雲呢拿雪糕，不能轉其他口味。
頂層水果有芒果、火龍果、士多啤梨和香蕉，份量不多，每種水果只有一至兩片。(*水果依季節或供應改變)
紫薯梳乎厘伴雪糕($58)，底層有紫薯蓉，放上蛋白後同樣焗5分鐘，再灑紫薯粉，伴雲呢拿雪糕。
紫薯蓉焗後微溫，放置一段時間後仍會冒煙，紫薯味中規中矩，未算十分突出。
抹茶窩夫紅豆伴雪糕($50)，即製抹茶窩夫配糖漿、抹茶醬，另伴紅豆和抹茶雪糕。
抹茶窩夫即叫即製，即使放置10分鐘，亦未見窩夫變軟，抹茶味不算濃，但配搭抹茶雪糕剛好。
活動資訊
- 地址 西環西營盤第三街142-150號仁信大廈地下F號舖
- 人均消費$50或以下
- 開放時間12:00-15:00，17:00-00:00
- 電話2512 2620
港生活人氣本地熱話
【🎁免費送】HIZERO 輕量級F300潔地機！
↓簡單兩步登記贏清潔神隊友！↓
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
