正在閱讀
迪士尼復活節戶外嘉年華+住宿優惠!彈跳樂園/卡通人物見面

迪士尼復活節戶外嘉年華+住宿優惠!彈跳樂園/卡通人物見面

2018.03.01

復活節又就快到,為了慶祝復活節,香港迪士尼首次貫通哂樂園中的3間酒店舉行「開心齊玩復活節」戶外嘉年華活動!活動會在3月30日到4月8日進行,為期10日。復活節大家又多個地方可以去啦~

「開心齊玩復活節」戶外嘉年華門票分為2種,酒店住客收費為$250/兩位(額外賓客每位另加港幣$125);而非酒店住客收費為$400/兩位(額外賓客每位另加港幣$200),由3月5日起開始接受預訂,有興趣的朋友可以>按此<或迪士尼訂房中心熱線+852 1-830-830查詢及預訂。

嘉年華將會同時在香港迪士尼樂園酒店、迪士尼好萊塢酒店,同迪士尼探索家度假酒店舉行。3間酒店分別會有不同的小遊戲同活動供大家玩,包括有:彈跳樂園、尋蛋遊戲、綜藝表演等等,而且仲可以同多個迪士尼卡通人物見面添!

活動另外仲設有香港居民「迪士尼復活節」食、住、玩酒店優惠,價錢港幣$1,999起,優惠包括:入住迪士尼探索家度假酒店一晚客房、「開心齊玩復活節」門票(兩位賓客)、「迪士尼客房尋尋蛋」遊戲一套同餐廳美食優惠。大家可以自行考慮邊款門票比較適合自己!

資料來源:香港迪士尼樂園

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠