平日想試即叫即炒海鮮只可能於大牌檔或海鮮酒家,紅磡香港嘉里酒店大灣咖啡廳推出海鮮主題自助餐,以法國,挪威,越南及本地海鮮。 餐廳會在戶外平台展示不同新鮮肥美的海鮮﹐更可觀賞廚師即席烤製海鮮,就可以即時試盡新鮮海鮮!
店內提供室內及戶外座位,室外可以觀賞維港景色‧
海鮮種類繁多,每日有約十款精選海鮮,全部任食。
海鮮會用木及炭燒,更是即叫即燒,相當新鮮!烹調完成後將會有專人把食物送上,可以邊食邊等。
波士頓龍蝦每日固定供應,龍蝦新鮮生猛,肉質鮮甜。
炒蜆無沙,頗為惹味。
蟶子爽口,醬汁微辣,嗜辣朋友可以一試!
海蝦肉質彈牙,不過唔算大隻。
每日有不同魚類選擇包括三文魚及黃鰭吞拿魚,新西蘭鱈魚、鱸魚、銀鱈魚等,肉質嫩滑。
有多款冰鎮海鮮提供,等緊燒海鮮時可以食住先。
另有不同國家的熟食料理,款式多樣。
有多款精緻甜品,絕對比得上高級餅店!
分子雪糕現場即製,每日有不同口味。
口感順滑,甜而不膩,愛甜食的朋友別錯過。
客人可以每位額外付加港幣 40元享受無限添暢飲汽水及果汁。
另加每位$200元無限添飲餐酒、氣泡酒、啤酒、汽水及果汁或加每位$300元無限添飲Veuve-Clicquot皇牌香檳及上列其他飲品。
收費:
星期一至四 成人$628+10% 小童(7至11歲)$314+10%
星期五至日 成人$668+10%及小童每位港幣$334元+10%
【精選推介】
活動資訊
- 日期2018年3月16日 - 2018年4月30日 18:00-22:30
- 地址 九龍紅磡灣紅鸞道38號香港嘉里酒店3樓
- 人均消費$401 - $800
- 開放時間晚上6時至10時30分
- 電話2252 5246