正在閱讀
點止滿足你三個願望! 復活『蛋識』遊樂園 大人細路一齊玩!

點止滿足你三個願望! 復活『蛋識』遊樂園 大人細路一齊玩!

2018.03.23

復活節就梗係要有復活蛋啦~今年馬鞍山新港城中心由即日起至4月8日期間,大搞「復活『蛋識』遊樂園」,喺場內設置咗多個主題玩樂區,除咗可以同閃亮亮彩蛋影靚相之外,仲有好多影相打咭位同遊戲區添!父母仲可以同小朋友一齊參加親子工作坊,齊齊學吓點樣整蛋糕同煎蛋,實行玩轉成個場!

益智學習+開心玩樂集一身

場內分別設有「蛋の夾夾機主題拍照區」、「蛋の甜點拍照區」、「夢幻蛋の彩燈雀籠」、「識蛋夢工場」同埋全港首個「創意太陽蛋畫藝術展」,都係睇得又玩得嘅節目!仲有令人好期待嘅「Candace Mama煎蛋藝術親子工作坊」同埋「復活節唧花杯子蛋糕親子工作坊」,大人可以透過活動,同小朋友開開心心咁學吓整嘢食,係咪好Sweet呢~

 

「蛋の夾夾機主題拍照區」

呢個咁大型嘅巨型夾蛋機原來可以企埋入去、同各式各樣嘅蛋蛋公仔影相,勁得意!

 

「蛋の甜點拍照區」

人見人愛嘅Cupcake同埋香脆雞蛋仔等緊大家呀~你仲可以化身成為雞蛋仔,好搞鬼呀~

 

「夢幻蛋の彩燈雀籠」

4米高嘅彩燈雀籠,只要你輕輕一掂籠邊嘅蛋形彩燈就會閃動,即刻變成浪漫彩燈會一樣,少女們係咪即刻心心眼呢~

 

「識蛋夢工場」

點樣先可以揀到靚蛋?參觀呢間農村雞舍木屋就會即場教曉你點揀喇!屋內仲展示咗蛋蛋孵化期內嘅不同狀態,等大小朋友都見識到佢哋嘅真面目!

 

「創意太陽蛋畫藝術展」

喺呢度你可以見識到15款由本地便當達人Candace Mama親手製作嘅煎蛋藝術,當中仲糅合格仔漫畫風格展現咗一段兔仔同雞仔間友共情嘅故事添!

 

換領限量小熊小兔雞蛋模具

由即日起至48日期間,只要喺新港城中心以電子貨幣消費滿港幣$600或以上,憑2張不同商戶的有效即日機印發票(每張最少港幣$100或以上),連同相符的正本電子貨幣顧客付款交易存根,就可以帶到佢哋返屋企啦~不過數量有限,手快有手慢無!

 

親子工作坊

想參加「Candace Mama煎蛋藝術親子工作坊」同埋「復活節唧花杯子蛋糕親子工作坊」的話,就要以電子貨幣即日單一消費滿港幣$300或以上,憑有效機印發票,連同相符的正本電子貨幣顧客付款交易存根,加埋讚好「新港城中心Sunshine City PlazaFacebook或追蹤Instagram帳戶,即可換領工作坊門券乙張,於指定日子參加工作坊一節。

 

Info

「復活『蛋識』遊樂園」

地點:新港城中心

日期:2018319日至48

時間:10:00am-10:00pm

 

資料提供:新港城中心

活動資訊

  • 開放日期 2018年3月19日 - 4月8日
  • 地點 馬鞍山新港城中心