深水埗一向有好多街坊食店受到好評，如「新香園」、「維記咖啡粉麵」、「合益泰小食」等，更吸引了不少區外的人一嚐滋味。西九龍中心的美食廣場更稱得上為「窮人飯堂」，食物價廉物美，最近更新開一間水門泰式海南雞飯專門店，海南雞飯$22起有交易，啱哂長期糧尾的朋友！
「水門泰式海南雞飯專門店」新張約2個月，位於深水埗西九龍中心。
店內主要售海南雞飯，另可單點飯卷。
海南雞會預先去骨(雞翼除外)，雞骨部分會當作雞湯材料。
海南雞翼飯$22，價錢平過連鎖快餐店套餐。
每碗有3隻雞翼及去骨翼髀肉，比想像中多餸。
雞翼都頗大隻，肉質嫩滑。
海南雞飯$30(轉雞腿加$5)，以胸肉為主。
雞件全部去骨啖啖肉，雞胸肉亦不怕「嚡口」。
油飯份量多，有淡淡香氣。
醬汁濃味微辣，蘸少少更惹味。
每個飯配有一碗無添加雞湯，單點$8。雞湯熬足一晚，十分清甜。
另有特式雞飯卷$18，放入海南雞飯的配料，雖然雞肉比例不多，但口感夠豐富，食完飯唔夠喉可以再點個飯卷試試。
入口味道與海南雞飯一樣，預先加入了醬汁所以帶微辣。
青檸梳打$8，有大大樽singha soda water配青檸底，解渴一流！
【精選推介】
活動資訊
- 地址 深水埗西九龍中心8樓美食廣場55號舖
- 人均消費$50或以下
- 開放時間12:00-21:00(星期一休息)
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
