【將軍澳美食】將軍澳新開日式快餐店　試勻鰻魚飯/爆蔥溫泉蛋丼

餐廳位於天晉匯二期，座位不算太多，但環境開揚。

門外有自助點餐機，完成點餐後以八達通/信用卡付款。

「廿一堂」有一星期七日、每日三餐都在餐廳用膳的意思，暫時主打丼飯，試業後會逐步推出更多新品，例如烏冬早餐等。

廿一蒲燒鰻魚丼(午餐$88｜晚餐$98)，加配蟹籽沙律/泡菜/65度溫泉蛋$10。

每份有半條鰻魚，秘製方法令鰻魚更軟腍入味，魚肉相當厚身。

廿一燒安格斯牛柳粒丼(午餐$68｜晚餐$78)

牛柳粒先煎煮後再燒，香口之餘仲保留到肉汁。

廿一燒牛丼(午餐$48｜晚餐$58)，嚴格挑選最合適的肥瘦比例，「8成瘦肉、2成肥肉」的標準令牛肉不膩之餘仲有油脂香。

廿一燒豚丼(午餐$48｜晚餐$58)，豚肉肥瘦相間，仲有「燶邊」效果，推薦！

廿一燒鳥丼(午餐$48｜晚餐$58)，肉類丼飯中算較為清淡，雞肉嫩滑。

廿一咖喱搪揚雞丼(午餐$58｜晚餐$68)

海女三色丼(午餐$78｜晚餐$88)，有日本松葉蟹肉、三文魚及飛魚籽，入口脆卜卜，口感豐富。不過松葉蟹肉味道不太突出，拌勻前可以先試味。

爆蔥溫泉玉子丼(午餐$38｜晚餐$48)，未食已經聞到蔥味好香，加上溫泉蛋雖然配搭簡單，但好滋味，鍾意食蔥的朋友要試試！

日式咖喱漢堡扒溫泉玉子定食(午餐$68｜晚餐$78)，漢堡扒望落細細塊，但其實有3cm厚，食肉獸都滿足到~

飯餐配有麵豉湯/玄米茶/汽水，另外可加配特飲。

綠茶紅豆冰(加$12)

巨峰椰果梳打特飲(加$8)

【精選推介】 

3月生日優惠晒冷！16個免費自助餐/門票戲飛/住宿

黃大仙$58下午茶放題　任食安格斯肉眼扒+Pancake

中環新開玻璃屋餐廳　歐陸花店+情書主題佈置

簡易摺紙教學！親手摺出浪漫粉色櫻花