正在閱讀
米線店推$128火鍋放題 任食逾40款配料+送海鮮拼盤

米線店推$128火鍋放題 任食逾40款配料+送海鮮拼盤

2018.04.04

米線店搞搞新意思,踩過界推出任食火鍋!尖沙咀「阿一豬扒酸辣米綫」推出阿一海上鮮火鍋,超過50多款火鍋配料任食,主打6款皇牌海鮮,有象拔蚌仔、蟶子、貴妃蚌等,每位也只是$128,相當抵食啊!

米線店推出任食火鍋,暫時只限尖沙咀分店~



湯底可選麻辣或清湯,麻辣亦有分三種辣度(小/中/大),另加$10可轉地獄辣,滿足一班嗜辣人士。

每人附送一份海鮮,內有6款海鮮,有象拔蚌仔、蟶子、海蝦、花甲、斑片及貴妃蚌,全部都是由香港仔魚市場直送,保證質素新鮮。如要追加海鮮,則$68一份。

貴妃蚌超巨型,鮮味十足。象拔蚌仔亦爽口彈牙,蟶子大隻新鮮。

海蝦亦算新鮮,但花甲略嫌太細。

打邊爐當然少不免肥牛,除了美國雪花肥牛外,另有西班牙黑豚肉、豬頸肉、紐西蘭羊肉片及雞件。

肥牛肥瘦分佈平均,肉質不嚡口。

另有多款配料,選擇非常多,有手打墨魚丸、手打蝦丸、脆肉鯇魚片、九肚魚、韮菜餃、雲吞、炸魚皮、炸響鈴、米線及其他蔬菜等,共有四十多款任食配料。

除了汽水任飲,可任飲咖啡奶茶。

每位$128 (原價︰$158) ,不另收加一

以入座時間計,可任食火鍋配料及任飲120分鐘

小童3至8歲享小童半價優惠;3歲以下小童免費

【精選推介】 

3月生日優惠晒冷!16個免費自助餐/門票戲飛/住宿

黃大仙$58下午茶放題 任食安格斯肉眼扒+Pancake

中環新開玻璃屋餐廳 歐陸花店+情書主題佈置

簡易摺紙教學!親手摺出浪漫粉色櫻花

活動資訊