正在閱讀
荔枝角新開鹽水雞店!3款口味自選+多款台式飲品

荔枝角新開鹽水雞店!3款口味自選+多款台式飲品

2018.04.11

荔枝角D2 Place不但只走文青路線,近期亦有不少小吃店及餐廳進駐,最近新開一間台式鹽水雞小食店「阿土伯鹽水雞」,推出創意台式撈撈雞麵,鹽水雞加入拉麵及配料撈勻,飽肚又惹味!

店內有堂食座位,亦歡迎大家外賣~

鹽水雞設有不同套餐,「半隻雞」(單點$66、跟配菜$56)可供2-3人食,配料逐項計算。

 

配料由$7至$10不等,超過30款選擇,$7有翠玉瓜、秋葵、芭樂、青蘋果、鳳爪根、蓮藕等,而$10有米血糕、菠蘿、魚片、百頁豆腐等。

 

選好雞和配料後,調味可選原味、阿土醬以及韓國泡菜,愛重口味朋友可另加辣粉。

 

雞肉嫩滑,原味調味料帶有胡椒較惹味。

 

另外設有「一人餐」($45),可選雞胸、雞腿肉各一半,又或3隻雞翼,再配搭3款配菜,圖中是芭樂、滷水豬耳及百頁豆腐。

 

唔夠喉可加拉麵底($7),4月份餐廳VIP買一人餐可免費加一份拉麵。

除了鹽水雞,店內亦售有多款台式飲品,不少得最近熱賣的芝士奶蓋系列;人氣「爆奶珍珠茶」($26/中杯、$29/大杯)奶蓋上加了爆炸糖增加口感,夏天最啱飲!

 

葡萄柚子果茶($24/中杯、$26/大杯)清新香甜。

【精選推介】 

活動資訊

  • 地點 荔枝角長順街15號D2 Place二期3樓313號舖