陳根記正式進駐大埔！新店改名「饑落亭」禾輋舊價不變

陳根記大埔新店「饑落亭」已經裝修完成，「饑落亭」除了使用老闆兒子們名子的諧音外，亦有「肚餓就落亭食飯」的意思。

門外寫明「街坊同樂、舊價不變」，街坊不用擔心由冬菇亭搬至地鋪後會漲價，但要另收加一服務費。大埔店亦表明用餐時間有限制，1.5小時就要還檯，不過現場所見，並沒有嚴格執行。

在冬菇亭開餐雖然較有舊式風味，不過就要受「風吹雨打」，天氣太熱太凍或下雨都會帶來不便。新店搬至地鋪，食客用餐不受天氣影響，而且環境更乾淨企理，大家又比較鍾意邊種經營模式？

店內牆邊貼有禾輋店的相片，充滿回憶！

收銀處有電話充電服務，好貼心！

大埔店與禾輋店食物定價不變，可以照用舊價食到招牌wasabi手撕雞、冬陰功浸蜆等，另外加開午餐時段，比禾輋店營業時間長。

每日有不同特價菜式。

以下幾款招牌菜，有無大家心水菜式？

瑤柱海鮮雞粒蒸飯($38 供應時間11:00-14:30)

京都骨芝士焗飯(午市$48)

根記冬陰功浸蜆($82)

WASABI 蟹子手撕雞($82/例 $138/半隻 $250/隻)

豉油王乳鴿/紅燒乳鴿($56/隻)

胡椒中蝦($148)

三湯一桌麵(淨麵$28 炸醬麵$32)

特式干鍋跟粉麵($32-$52)

豉汁蒸排骨陳村粉($78)

孜然豆腐($60)

香煎腐皮卷($76)

蒜蓉糯米蒸蝦($152)

貴妃雞

記者光顧當晚，有不少招牌菜式在十時左右售罄，包括Wasabi蟹籽手撕雞及乳鴒，芒果一口脆更在九時已沽清，想試的朋友，可能要早點等位用餐。

圖片來源:FB@禾輋陳根記.饑落亭