港鐵推Kanahei粉紅兔兔/P助紀念車票 4款車票+手機配件率先睇
港鐵不時都會推出卡通系列的紀念車票套裝，繼早前的Sanrio、熊本熊、多啦A夢紀念車票之後，嚟緊5月底開始一連四星期港鐵即將推出Kanahei’s small animaals紀念車票，車票上面印有粉紅兔兔、P助遊覽香港的情景，好得意！除了車票和票套之外，每一款車票更分別配有一款手機配件，當中包括有USB充電小夜燈、便攜式充電器 、藍牙耳筒及藍牙喇叭，即刻率先睇睇有咩款式啦！
紀念車票套裝每款售價為$160，另外仲會有一款限量版USB插蘇連充電線於五月二十七日起發售，每套售價為$120，不過數量有限，有興趣的粉絲記得盡早去啦！
趴趴走篇紀念車票套裝，入面包括一張紀念車票、一個票套及一個粉紅兔兔造型USB充電小夜燈。
開售日期：五月二十七日至六月二日
笑咪咪篇紀念車票套裝，入面包括一張紀念車票、一個票套及港鐵形狀的便攜式充電器。
開售日期：六月三日至六月九日
排排坐篇紀念車票套裝，入面包括一張紀念車票、一個票套及一對藍牙耳筒。
開售日期：六月十日至六月十六日
樂悠悠篇紀念車票套裝，入面包括一張紀念車票、一個票套及一對藍牙喇叭，喇叭上面有粉紅兔兔、P助，好得意！
開售日期：六月十七日至六月二十三日
活動資訊
- 日期2018年5月27日 - 2018年6月23日
- 地址 各港鐵客務中心(不包括機場快綫、輕鐵、羅湖、落馬洲、馬場及迪士尼站)
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
-
深圳攻略
華發冰雪世界
深圳冰雪體驗｜入門必試❄️👍
最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡ 對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略
閱讀更多
港生活人氣本地熱話
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
《U GO 》請您去CON-CON HONG KONG 2026！
超強音樂陣容＋動漫IP沉浸式體驗🔥
假日好去處