WE GO MALL在被稱之為「食肆沙漠」的馬鞍山在今日隆重開幕！為馬鞍山的朋友仔提供多一個行街食飯的好地方。除了增加了食肆丟選擇外，新商場仲有多項遊樂設施供大家玩，包括有溜冰場、VR體驗館、迷你賽車場、迷你高爾夫球場同射箭場等等。商場仲會定期舉行不同類型的市集添。率先帶大家睇下新商場有咩玩！
新商場樓高6層，總面積為16萬呎，位於大水坑站同恆安站之間，位置方便。
商場有近年流行的VR遊戲俾大家玩，包括賽車、單車機等等。不過VR體驗館目前仲處於測試階段，預計會在5月尾正式試玩！
大家只要用＄60買門票即可試玩10分鐘。
除了VR體驗館商場仲有個用生態冰製造而成的溜冰場，溜冰場捨棄用傳統冰改用仿照真冰製造的生態冰，更加環保。
不過溜冰場比其他商場的溜冰場尺寸較細，每次只可容納10個人，所以想玩的朋友仔可能要俾啲耐性排隊啦。
商場仲有多項適合小朋友玩的遊樂設施，包括迷你賽車場
籃球機
射箭場
迷你高爾夫球場
商場會配備迷你賽車場都算比較少見。
大家可以帶埋屋企的小朋友來「放電」。
除了動態活動，商場內仲設有攤位市集，主題會定期改變，等大家有新鮮感。
而今期的市集主題是咖啡，部分攤檔仲會教大家拉花添！
以後週末又多個地方可以去啦～
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
