「好滾得火鍋專門店」即日起推出$48雞翼放題，一個鐘內食勻8款雞翼！放題會於油麻地及灣仔分店推出，僅限每日中午至下午茶時段。分店處於旺區，位置方便，價錢相宜，不妨約埋親朋好友一齊「擦餐勁」！
雞翼放題由6月4日起，每日12:00 - 15:30供應，優惠大約會維持2 - 3個月。
每日輪流供應8款雞翼，餐廳暫有14款口味，稍後會增加至16 - 20款。
雞翼標榜生炸，表面香脆，肉質算嫩滑，厚肉兼大隻。
以$10加配套餐，含白飯、時令油菜及汽水。
黃金雞翼鹹蛋味香，口感帶沙，好食！
柚子雞翼表面佈滿柚子醬，帶柚子皮。
蜜糖雞翼蜜糖味香甜。
蜜椒雞翼黑椒味略淡，但蜜糖味濃。
蒜香雞翼撒上炸蒜粒，蒜粒香脆，但不算濃味，肉質蒜味不夠。
南乳雞翼南乳味重，送飯一流。
B仔雞翼表面有蒜粒及辣椒，辣味強勁。
泰式雞翼酸辣開胃，表面有洋蔥及辣椒。
椒鹽雞翼椒鹽份量恰好，頗惹味。
酒糟醉雞翼表面有杞子人蔘，帶淡淡藥材味。
孜然雞翼蘸上滿滿孜然醬，孜然味道突出，非常惹味。
另有較家常的口味，包括沙薑雞翼、豉油雞翼和可樂雞翼。
*另收加一服務費
分店資料
旺角店
地址：旺角彌敦道558-560號譽發廣場7樓
營業時間: 星期一至五 12:00 - 00:00/ 星期六、日及公眾假期 18:00 - 01:00
灣仔店
地址：灣仔克街9-13號地舖 營業時間
營業時間: 星期一至五 12:30 - 00:30/ 星期六、日及公眾假期 18:00 - 01:00
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓《社群狂歡大激賞》↓
↓送香港迪士尼樂園1日標準門票60張！↓
