要同美斯、C朗呢啲足球巨星近距離接觸？依家機會嚟喇！去黃埔新天地就可以一次過搵齊13位Q版足球男神，除咗靚仔有型嘅C朗同美斯之外，仲有英格蘭青年新星廸利阿里、法國俊男前線尖刀基沙文、新亨利麥巴比、同比利時中場夏薩特等，齊齊擺陣同你任影唔嬲！除咗玩盡球星之外，仲有好多好玩遊戲等你參與，大人細路都可以齊齊投入足球盛事！
Q版造型列陣 一次過捕獲各國足球巨星
踏入六月，世人已經蓄勢待發，全情投入四年一度嘅足球盛事！而黃埔新天地特別喺時尚坊地庫，打造咗一個7米闊、5.5米高嘅聖巴素大教堂，將莫斯科最具代表性嘅建築，以立體方法活靈活現咁展現出嚟，加埋11位5呎高嘅足球巨星Q版立體公仔齊齊列陣等你打卡，仲有聚寶坊門口嘅夏薩特同拉舒福特，無論你支持金靴王美斯、世界足球先生C朗拿度定係新任三獅隊長哈利卡尼等，都企定定俾大家影餐飽！
Goal！玩埋球場至夠Fun！
除咗可以捕獲球星Selfie外，時尚坊地庫仲特別設置咗個大型足球遊戲競技場，大人細路都可以齊齊參與，大玩近年大熱嘅派對玩意「Soccer Pool」桌上足球，參加者仲可以企喺桌球枱上用腳踼桌球，睇吓你有黃金右腿、抑或佢有神之腳！7月7月至15日就有「Bump Bump足球大比拼」同刺激好玩嘅VR互動遊戲，展示你嘅足球潛能，睇吓邊個做到神射手！爸爸們亦可以同小朋友一齊組隊參加「親子足球爭霸戰」，兩仔爺大玩遊戲贏奬品！不過記得喺場內以電子消費滿指定金額，可以免費換領指定款式SoccerStarz® Q版球星人偶同英格蘭國家隊Q版球星套裝！數量有限，想珍藏就要快速行動啦！
【詳情】
黃埔足球All Starz Fever！
日期：即日起至7月15日
地點：黃埔新天地 時尚坊地庫及聚寶坊地下
Source: Whampoa
活動資訊
- 日期2018年6月13日 - 2018年7月15日
- 地址 黃埔新天地 時尚坊地庫及聚寶坊地下
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】大派便利妥3合1檢測盒！↓
↓ 使用簡單快捷，一次檢驗3種病毒！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
