文: Mo Mo

2018.06.19

端午節除咗睇龍舟、食糭、游龍舟水外，其實仲有好好玩嘅「香港龍舟嘉年華」不可錯過！由香港旅遊發展局主辦、中國香港龍舟總會合辦嘅「香港龍舟嘉年華」今年會喺6月22至24日，一連3日於維港同中環海濱舉行，除多場精彩國際級龍舟大賽外，今年新增設人造沙灘及水戰區俾大家盡情嬉水，仲有14輛美食車再次列陣，同黃昏音樂會，加上現場有啤酒供應，俾大家一邊嚐特色美食一邊暢飲，享受一個繽紛歡樂嘅熱浪派對！

一連3日活動日日精彩，快啲mark低啦！

Check point 1

海上激戰連場

國際龍舟賽+扮嘢創意特色賽

一如以往，今年「香港國際龍舟邀請賽」陣容強勁，共約160支來自香港、內地及海外的國際隊伍、逾4,500個健兒參賽，包括首次來港參賽的以色列龍舟隊，相信一定會掀起緊張萬分嘅連場激戰！

不過，講過癮好玩，正規嘅龍舟賽又點夠另類龍舟賽呢？喺6月24日下午，將有兩場創意爆燈嘅另類龍舟賽 — 「Elite Partners扮嘢大賽」及「QTSA x黑白港式奶茶盃」，前者參賽健兒換上鬼馬造型於海上激戰，角逐特色造型大獎；後者則由本地9間茶餐廳派出多位健兒們走出水吧，決戰維港海上，爭奪奶茶盃寶座！同場仲有免費冰凍奶茶派發，一邊嘆奶茶，一邊睇奶茶盃！

「Elite Partners扮嘢大賽」參賽健兒造型鬼馬，令緊張賽事頓時變得輕鬆有趣。

Checkpoint 2

14輛美食車列陣

一邊睇賽事一邊醫肚！14輛美食車將再度齊集，供應多款特色招牌美食；佢哋今年仲會推出限定優惠！

Check point 3

人造沙灘掀水戰連連

齋睇冇得玩，一定會好悶！不過，今年大家可以一齊落水、近距離同陽光say hello! 今年會場首次設有面積約兩個籃球場大嘅人造沙灘，同有太陽傘、沙灘椅及巨型水泡供應，等大家好歎咁喺鬧市中享受日光浴！愛玩水一族，仲可以到摩天輪旁邊嘅「水戰區」與友人連場水戰，盡情消暑嬉水。

Checkpoint 4

本地音樂炒熱現場

嘉年華又點少得音樂呀？喺 6月23日及24日晚上6時至8時場內將有「黃昏音樂會」，表演嘉賓包括李拾壹、謝芊彤+謝芊蕾及Mr. Wally等新晉本地音樂人及熟悉街頭歌手，清新樂曲為大家送走夏日悶熱！

Another Kitchen

Blaster

Mr. Wally

Per se

Jules

Site Access

李拾壹

謝芊彤謝芊蕾

Checkpoint 5

打卡selfie熱點

嚟到嘉年華當然要打卡啦！場內會展出由本地展能藝術家設計嘅建行(亞洲)特色龍舟擺設，至於「生力啤酒節」亦特設「香港生力70周年宣傳三輪車」，絕對係打卡、Selfie必到！同場仲更有生力啤地區限定罐裝啤酒同珍藏T恤出售！

Checkpoint 6

齊做善事別具意義

施比受更有福，想把歡樂延送出去，大家記得一齊參與「陸上龍舟慈善活動」，建行（亞洲）將按參加者完成嘅划行總里數，捐款俾香港展能藝術會，除咗體驗陸地上划龍舟樂趣，仲可以用行動支持展能藝術家，一齊為善事齊出一分力！

香港龍舟嘉年華

主要項目之日期及時間：

建行(亞洲)香港國際龍舟邀請賽

6月22日（星期五）：中午12時30分至晚上6時

6月23日（星期六）：上午8時30分至下午5時

6月24日（星期日）：上午8時30分至下午4時30分

黃昏音樂會

6月23及24日（星期六及日）：晚上6 時至8 時

美食車盛會

6月22日（星期五）：下午1時至晚上8時

6月23日至24日（星期六及日）：上午10時至晚上8時

地點：中環海濱(觀眾席設於10號碼頭附近)

場內還設有多個攤位遊戲及不同的精彩流動表演等，想了解更多詳情可瀏覽旅發局網站: www.DiscoverHongKong.com/DragonBoat/tc。

資料來源︰香港旅遊發展局

活動資訊

日期2018年6月22日 - 2018年6月24日
地址中環海濱(觀眾席設於10號碼頭附近)

更多真實評價

Sasabb

珠海攻略

樂士文化區

中國/🌻珠海親子週末2日遊｜樂士文化區&向日葵主題公園

第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨‍👩‍👧‍👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處

閱讀更多
GanWes

珠海攻略

超好玩！珠海室內運動潮玩天堂🤩

趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊

閱讀更多
Dear Marine

節日限定

西九咖啡節2026 COFFEE HONG KONG@WestK

復活節必去!西九限定咖啡☕️嘉年華!

只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}

閱讀更多