【紅磡美食】$60任食粉皮/土豆絲/木耳+主食　推薦鮮味錫紙包海鮮粉絲

小店「鮮蒲」推出任食優惠，消費滿指定金額就可以食到主食+任食3款小食。

每位客人逢星期一至五消費滿$60 (15:30-17:30)，或消費滿$80 (18:30-20:00)，即可享用任食優惠，限時一小時。

店內招牌錫紙貝殼粉絲($52)，內有沙白、茶樹菇、木耳、生菜、綠豆粉絲等，辣度可選麻辣或清香辣。

錫紙包內的湯汁鮮味十足，香辣但不會嗆喉，沙白大粒鮮甜。

加入木耳、茶樹菇、生菜等配料，以蠔油、醋、蒜、糖、薑絲、生抽及自家製醬料調味。

另一招牌津市牛肉粉($52)，內有秘製牛腩、生菜、湖南米粉。牛腩軟腍，非常入味。

食客亦可按喜好追加不同配料，如墨汁花枝丸、鱈場蟹腳棒、蝦米魚皮餃、心心腐皮角等($6-$8)，連主食剛好$60，可以任食3款涼拌小食。

主食亦可選重慶小麵系列，有麻香雙椒牛肉拌麵($43)，肥腸($48)/排骨($45)/炸醬湯麵($38)/熱拌麵，有原味至特辣辣度可選，如果想食夠$60/$80，可能就要多加幾款配料。

任食套餐可選三款涼拌小食，有爽滑木耳、涼拌雞絲、涼拌粉皮、爽口土豆絲及彈牙牛柏葉 (限點一次)，款式亦會不定期轉款。

木耳爽脆，土豆絲爽口香辣。

涼拌粉皮大片偏厚，煙韌有咬口。

甜品方面有原隻濃濃椰皇釀啫喱，啫喱以新鮮椰皇水製成，清甜解膩。