正在閱讀
【觀塘美食】懶人燒烤自轉機登陸觀塘 3.5小時任飲任食逾30款串燒

【觀塘美食】懶人燒烤自轉機登陸觀塘 3.5小時任飲任食逾30款串燒

2018.06.25

好多人都鍾意BBQ燒野食,但係戶外BBQ受天氣影響,落雨或者太熱都唔適合。觀塘一間新開的放題店「密密燒」,就設置了燒烤自轉機,室內涼住冷氣BBQ夠哂歎,雖然無戶外炭火燒烤咁熱鬧有風味,不過唔怕煙燻眼,食完都唔怕成身煙味,夠方便~

「密密燒」位於觀塘與牛頭角中間,距離地鐵站有8-10分鐘距離。

每枱都有一部燒烤自轉機,以每爐計算4 位或以下惠顧可任食2.5小時,5至6位任食3.5小時。

任食超過30款串燒,另外汽水、自家製豆漿任飲,酒精類飲品另計。

所有串燒不經醃製,可以自行加上燒烤製、孜然粉、彩椒粉及海鹽。

地方有限,每枱一次最多可點60款串燒,每款數量不可多於該枱人數,食完再點。

肉類串燒方面,牛、豬、羊、雞、鴨都有齊,牛肉最多選擇,特別推薦牛肋腩,軟腍牛味又濃。

肉類質素不錯,均屬嫩滑鮮味,店員建議牛肉不用燒至全熟,口感更好。

平時燒烤最怕燒燶雞翼之餘又唔熟,自轉燒烤爐就可以輕鬆燒到外脆內嫩的金黃色雞翼;雞軟骨亦是ENCORE首選,燒到脆卜卜好香口。

較特別的是餐廳有供應鴨舌,不過唔算好香口。

唔想食太多肉,亦可以選擇菠蘿、豆卜等其他配料。

每位的碟子有4個間隔,方便客人加上不同口味的調味料,十分貼心。

價錢:成人$238/位|小童(3-11歲) $138/位

活動資訊

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠