B.Duck一向都好受大人同小朋友歡迎，所以黃金海岸最近就以B.Duck為主題，推出「香港黃金海岸B.Duck仲夏假期」。活動主要由3個機構聯手舉辦。黃金海岸酒店就負責舉辦B.Duck主題水上樂園、B.Duck主題主題房間同酒店內多個影相位，B.Duck的粉絲們可以去同B.Duck影相。而黃金海岸商場同遊艇會就聯同推廣全港首個Captain B.Duck航海課程，小朋友可以在課程中學習有關航海的知識。課程完結後，小朋友仲可以在58呎長的B.Duck主題遊艇上參加畢業典禮添。
B.Duck主題水上樂園有5大活動設施：包括有4米高的滑梯、浮板挑戰、水上滾筒、淘淘樂同遊船樂。滑梯是一個4米高的充氣裝置，滑下來便是水池，夏天消暑一流。
另外一個心水推介是水上滾筒，大家可以想像自己好似倉鼠仔一樣在滾輪中奔跑，放電最適合。
在浮板挑戰中小朋友需要用平衡力同浮力踏上B.Duck 的浮板然後在唔落水的情況下過到池的對面，非常考小朋友的技巧。
凡參加了B.Duck臨海假期住宿計劃的小朋友住客都可以去玩架～
除了有B.Duck主題的水上樂園之外，黃金海岸商場亦首次聯同遊艇會舉辦了全港首個Captain B.Duck航海課程。
在課程中小朋友會學習有關航海的知識，包括會他們綁繩結、自製指南針、學習不同數字的電碼等等。
而課程完結之後，小朋友仲可以在58呎長的B.Duck主題遊艇上參加畢業典禮添。
隻船多處都有B.Duck的裝飾，非常可愛。
另外，黃金海岸酒店為了配合計劃，亦都推出了以B.Duck做主角的主題房間。
客房內多處都布滿B.Duck的身影，床單、被套、洗手間，連自助酒吧的水杯都是B.Duck，充滿童真～
酒店大堂亦設有多個B.Duck影相位，幸運的話甚至有機會遇到B.Duck本人架，到時記得同佢影相啦～
黃金海岸商場中庭仲設有一個3米高的B.Duck船長，大家行過商場可以去影相留念。
酒店命提供B.Duck主題的特式下午茶set，全部都可愛到唔想食～
香港黃金海岸酒店B.Duck 臨海假期住宿計劃價錢每晚由港幣$1,688起。而凡在2018年7月15日或之前預訂並於7月31日或之前入住的人客仲可有HK$200折扣優惠添，想去玩的朋友仔記得上網訂房啦。＜按此預訂＞
而想參加航海課程的小朋友可以預先在香港黃金海岸商場指定網上登記表格(https://goo.gl/vnfrww) 遞交報名申請，獲確認後，參加者於活動當日憑商場電子貨幣消費滿港幣300元之機印發票以參加活動。
鍾意B.Duck的朋友仔千祈唔好錯過啦～
活動資訊
- 日期2018年7月9日 - 2018年9月2日
- 地址 香港黃金海岸青山公路1號
- 人均消費$201 - $400
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
