放電必到！愉景灣大白灣沙灘五大驚喜迎暑假

即日起至8月12日嚟愉景灣就有得玩！仲未諗到節目嘅家長們，就要快D行動喇！憑遊戲劵*仲可以參加Q版運動會，畀小朋友大展身手，全日開心又滿Fun！

*遊戲券換領詳情，請查閱https://www.facebook.com/VisitDiscoveryBay/

小朋友專屬新體驗

驚喜一：驚險刺激小恐龍滑水梯

靜靜地玩沙又點滿足到小朋友？今年「愉景灣夏日滿Fun」就以小恐龍滑水梯打頭陣，由三條環繞嘅滑水梯組成，最高達4.8米嘅滑梯，俾小朋友感受緊張刺激嘅速度快感。恐龍歷險樂園內部仲會定時灑水降溫，帶多套替換衫褲就唔怕濕身啦！

驚喜二：感受乘風破浪－小船長水上派對

講到開船仔，小朋友好多時有得睇無得玩。今次小朋友終於可以親自落水一嘗做船長嘅滋味，仲有色彩繽紛嘅手搖小艇同埋造型可愛嘅動物電船仔兩款選擇添！留意現場工作人員嘅指示，自然玩得開心又放心。

親子合拍度大考驗

驚喜三：巨型滾輪水上飄

親子同遊，有機會梗係想同小朋友一齊落場玩啦！巨型滾輪需要靠親子合作，令滾輪向前行，考驗你同小朋友嘅合拍度、平衡力同埋反應！

運動細胞大考驗

驚喜四：Q版運動會^#

講到運動會，大家一定會諗起最近完結嘅世界盃。除咗各種水上遊戲之外，Q版運動會就正好讓各位小小運動員大顯身手。「小小足球員」，俾你同朋友仔同場較量，比拚沙灘足球！鍾意籃球嘅你就可以「變身神射手」，睇吓邊個眼界最準。仲有「棒球小子」，力度、眼界缺一不可，因為佢唔止要打中全壘打，而係要一棒入洞，絕對鬥智鬥力！

四年一度足球盛事完結，但熱潮未退，小朋友可以繼續盡顯球技！

一齊挑戰身手，睇吓邊個眼界最準！

要一棒將飄動中嘅棒球打入洞談何容易？家長不妨同小朋友一齊動下腦筋！

大玩特玩沙灘遊樂場

驚喜五：激玩沙灘兒童遊樂場

除咗一系列充氣設施，當然要去埋旁邊嘅沙灘遊樂場啦！最大嘅驚喜係來自北歐及美國嘅玩樂設施，絕對能夠為小朋友帶嚟新鮮感，例如全港獨有嘅飛天吊索、七彩繩網陣連滑梯、Supernova「風火輪」、仲有特色鞦韆，絕對唔止玩沙咁簡單。

同場加映︰週末限定！「繽Fun‧童享」嘉年華@愉景北商場

週末去愉景灣嘅朋友，除咗可以去大白灣沙灘揮灑汗水之外，每逢假日愉景北商場都有其他特別嘅攤位遊戲！包括︰「至激射門」、「決戰地鼠」、百變扭氣球及繽紛彩繪，動靜皆宜，仲要只係週末期間先開放，千祈唔好錯過呀！

高近6米嘅至激射門，又係考驗小朋友身手嘅時候！

爸爸同囝囝去踢波，媽媽同囡囡一於去決戰地鼠，考驗眼界啦~

同場亦有彩繪師為小朋友畫上精美的彩繪圖案。

愉景灣夏日滿Fun

日期：即日起至8月12日

開放時間及地點：上午 11至下午6時@大白灣沙灘及愉景北商場 (愉景北商場僅限週末開放)

活動包括：

大白灣沙灘－小恐龍滑水梯、滾輪水上飄、手搖小艇、動物電動小船、Q版運動會^#

愉景北商場－至激射門、決戰地鼠、百變扭氣球^#、繽紛彩繪^#

^#溫馨提示：凡於D'Deck、愉景廣場、愉景北商場或愉景灣酒店單一餐飲消費每滿港幣120元，出示即日收據正本，即可換領遊戲券乙張。憑券可到大白灣沙灘參加「Q版運動會」各遊戲乙次。推廣期內，憑券於週末更可到愉景北商場換領百變扭氣球及繽紛彩繪各乙次。遊戲券換領詳情，請查閱https://www.facebook.com/VisitDiscoveryBay/

資料來源︰愉景灣